Өөрийгөө сонгодог хэмээн илэрхийлдэг хийлч бүсгүй О.Байгаль төгөлдөр хуурч Оюунгэрэлтэй хамтран "The Best of Classics2" тоглолт хийхээр болжээ. Өнгөрсөн жилийн 9-р сард "The Best of Classics" гэсэн тоглолтоо цомхон хүрээнд хийж байсан. Тоглолтонд ирсэн хүмүүс өндөр сэтгэгдэлтэй, дахиж тоглолтоо хэзээ хийх вэ? гээд асууж байсан болохоор энэ тоглолтынхоо үргэлжлэл болох "The Best of Classics2" тоглолтоо хийхээр болсон гэнэ. Төгөлдөр хуурч Оюунгэрэлтэй хамтарсан энэхүү тоглолтоо 3-р сарын 30-нд хийхээр болжээ. Тоглолтын онцлог нь сонгодог хөгжмийг ойроос мэдрэх боломжтой, илүү сонгодог орчинд зохиогдох ба монголын болон дэлхийн хөгжмийн зохиолчдын томоохон бүтээлүүдийг шинэчилсэн найруулгаар тоглох юм байна. Хийл болон төгөлдөр хуурт зориулан хийлч бүсгүй маань өөрөө найруулгыг нь хийжээ. Анхны тоглолтоо эргэн тойронд байдаг бүх хүмүүст зориулж " Таны охин, таны шавь ямархуу хийлч болж вэ?" гэсэн өөрийн тайлан тоглолт маягаар хийж байсан бол энэ удаагийн тоглолтоо сонгодог хөгжимд дуртай бүх хүмүүст зориулж байгаагаараа онцлогтой гэнэ шүү. Бүх л сонгодог зүйлийн цогц шийдэл болсон сайхан тоглолтонд хүрэлцэн ирж сонгодог ертөнцөд нэгдээрэй.
www.URLAG.mn
