Дуучин Нара “Үтрээний хүүрнэл”-д гол дүр бүтээнэ гэнэ.Түүний хувьд дууны уран бүтээлээ түр завсарласан Нара саяхнаас “Show buzz” нэвтрүүлэг хөтлөн үзэгчдийг хөгжөөж байгаа. Нэвтрүүлгийнхээ дугаар бүрт сонирхолтой яриа өрнүүлж, урьсан зочдоо алмайруулж чаддаг дуучин бүсгүй хүмүүнлэгийн ажилд ч гар бие оролцож яваа гэнэ.Тэрбээр энэ сарын 30, 31-нд Улсын филармонийн тайзан дээр тавигдах “Үтрээний хүүрнэл” жүжигт оролцохоор болжээ. Охид, эмэгтэйчүүдийн эсрэг хүчирхийлэлтэй тэмцэх дэлхий нийтийн V-Day хөдөлгөөнд “Өөрчлөлтийн төлөөх залуу эмэгтэйчүүд” төрийн бус байгууллага нэгдсэн бөгөөд дэлхийн шилдэг бүтээлүүдийн нэг болох “Үтрээний хүүрнэл” жүжгийг толилуулах гэнэ. Энэхүү жүжгийн бүх орлого хүчирхийллийн эсрэг үйл ажиллагаанд зориулагдах бөгөөд дуучин Нара ч охид, эмэгтэйчүүдийнхээ төлөө өөрийн чадах зүйлээр тус нэмэр болох гэж байгаадаа баяртай яваа гэнэ лээ.
www.URLAG.mn
