"Sweetymotion" хамтлагийхан маань өнгөрсөн 2012 оны 11-р сард 15 жилийн ойн баяраа хамтлагийн хуучин гишүүдтэйгээ,сонсогч фенүүдтэйгээ дуу хуур, сэтгэл хөдлөлөөр дүүрэн сайхан тоглолтоор тэмдэглэсэн билээ.Түүнээс хойш нилээдгүй хэдэн сар өнгөрч байгаа ч тэд шинэ уран бүтээлдээ орсон төдийгүй Америкийн Нэгдсэн Улсад амарч байх хоорондоо багагүй ажил амжуулаад ирснээ бидэнтэй хуваалцлаа.Өнгөрсөн 2 сарын хугацаанд Аризона, Калифорниа, Иллиной, Невада зэрэг мужуудаар аялан“Наддаа эргээд ирээч“, “Аргалд явсан ижий”, “Эрхэм сэтгэл” дуунуудыхаа клипний зургийг авахуулаад саяхан эх орондоо иржээ.
2010 онд гарсан "Cанахын аялгуу", "You’re So Sexy" зэрэг дууг багтаасан "Emotion" цомгийн бүх дуугаа дүрсжүүлэхээ амласан уран бүтээлч бүсгүйчүүд энэ удаад V студитэй дахин хамтран ажиллаж байгаа ажээ. "SweetYmotion"-ий 5 дахь цомог болох "Emotion"-д багтсан “Наддаа эргээд ирээч“ дууны клип энэ жилийн хамгийн эхний уран бүтээл болон хүрэхээр бэлэн болжээ.Уг дууны аяыг хамтлагийн ахлагч Ганболор хамтлагийн продюсер Чинбаттай хамтран зохиосон бөгөөд үгийг мөн л тэрээр хамтлагийн бүсгүйчүүдтэйгээ хамтран бичжээ.Тэдний Хайрын замд дууны үгийг бичсэн яруу найрагч Хулганайн Тэргэл мөн энэ дууны үгэн дээр редактороор ажиллажээ.
Клипний хувьд урьд урьдний клипүүдээс ялгарч чадахуйц өнгө төрх, стиль имиджийг харуулахыг зорьсон гэх бөгөөд клипний өнгө, зураг авалт, шийдэлийн хувьд V студийнуран бүтээлч залуусын авъяас чадварыг дахин нэг удаа батлан өгсөн бүтээл болсон гэдэгтэй мэргэжил нэгтнүүд санал нэг байна. 4 сарын 2-р хагаст үзэгчидэд хүрэх энэхүү клипний трэйлэрээс үзэгчид өөрсдийн дүгнэлтээ хийх нь зүй биз ээ.
"Наддаа эргээд ирээч" дууны клипны зургийг энд дарж үзээрэй.
Таныг Урлагийн тэнгэр ивээг
www.URLAG.mn
