Дэлхийн хэвлэлийн эрх чөлөөний өдрийг тохиолдуулан Монголын Сайтын Холбооноос “Хэлэх эрхээ хамгаалъя” хүндэтгэлийн арга хэмжээг өнгөрсөн 2-ний өдөр зохион байгуулж анх удаа цахим сэтгүүлзүйн төлөөлөгчдийг болоод улс төр, нийгэм олон нийт, соёл урлаг, спортын олон алдартнуудыг нэг дор цуглуулсан юм. Уг арга хэмжээний үеэр олон арван шагналтнууд тодорсон бөгөөд монголын цахим сэтгүүл зүйн төлөөлөгч нар хэлэх эрхээ хамгаалсан, эдэлсэн гайхалтай арга хэмжээ болж өнгөрсөн билээ.
Сонирхуулахад Монголын Сайтын Холбооноос Дэлхийн хэвлэлийн эрх чөлөөний өдрийг тохиолдуулан “Үг хэлэх эрхээ хамгаалья” сэдэвт нийтлэл, гэрэл зургийн уралдааныг сэтгүүлчдийн дунд зарласан бөгөөд энэхүү уралдааны нийтлэлийн төрөлд www.shudarga.mn сайтын эрхлэгч Б.Цоожчулуунцэцэг тэргүүн байр эзэлж дэд байранд www.infо.mn сайтын редактор П.Нансалмаа оржээ. Мөн шилдэг гэрэл зургийн төрөлд www.Undesten.mn сайтын гэрэл зурагчин Г.Энхбат тэргүүн байр эзэлж,www.banjig.net сайтын эрхлэгч Г.Ариунчулуун дэд байр эзэлжээ. Дашрамд дуулгахад “Үг хэлэх эрхээ хамгаалья” сэдэвт нийтлэл, гэрэл зургийн уралдаанд тэргүүн байр эзэлсэн сэтгүүлч Солонгосын Чэжү арал руу аялах эрхээр шагнуулсан бол дэд байрын эзэд Бээжин хот руу аялах эрхээр шагнуулсан юм.
Ингээд та бүхэндээ “Хэлэх эрхээ хамгаалъя” хүндэтгэлийн арга хэмжээний фото зурагнуудаас хүргэж байна
www.URLAG.mn
