“Камертон” хамтлагийн ахлагч, Төрийн шагналт дуучин Д.Болд Монголын рок поп урлагт төдийгүй дэлхийд уран бүтээлээ хүргэхээр хөдөлмөрлөж байгаа. Тэрбээр дуу хөгжмөөс гадна жүжиглэх чадвартай гэдгээ "Би чамд хайртай – 2" кинонд тоглосноор харуулаад амжсан.
Тэгвэл удахгүй "Усны гудамж" хэмээх олон ангит киногоор дахин ур чадвараа харуулах гэнэ. Энэхүү киноны гол дүрд Төрийн шагналт МУГЖ Цэгмидийн Төмөрбаатар, СТА Цэрэндагвагийн Эрдэнэбат, СТА Аюушийн Энхбаяр, Хандсүрэнгийн Санги-Очир, Адилбишийн Адилцэцэг, Батчулууны Баярсанаа нар тоглож байгаа юм байна.
Киноны уран бүтээлчид монголын улс төр, нийгмийн амьдрал, түүхэн хүмүүсийн намтрыг ихээхэн судалж, монгол ахуйгаа түлхүү харуулахын зэрэгцээ өнөөгийн нийгэмд болж буй бүхий л үйл явдлыг холбон тусгахыг зорьж байгаа гэнэ. Таван өөр айлын аж байдлыг үзүүлсэн тун сонирхолтой кино тун удахгүй "25 дугаар суваг телевиз", "SBN", "MovieBox" телевизээр цацагдан үзэгчдийн хүртээл болох аж.
www.URLAG.mn
