Дуучин Анхмаа ээж болсоноос хойш “Гурван охин” хамтлаг уран бүтээлээ түр завсарлаад байсан билээ. Урин дулаан цаг ирж Анхмаа ээж болоод нэлээдгүй хугацаа өнгөрсөн болохоор тэд эргэн уран бүтээлдээ ороод байгаа аж. Хоёр жилийн өмнө “Гурван охин” хамтлаг “Жинхэнэ хайр" тоглолтоо хийж байсан бөгөөд энэхүү тоглолтоо DVD болгосон бөгөөд хэвлэлтэндээ яваад ирсэн байна.
Энэхүү DVD удахгүй та бүхний гарт очих аж. Үүнээс гадна “Hot disco” дуугаараа нэрлэсэн хоёр дахь цомогоо хэвлэлтээс гаргах гэж байгаа бөгөөд цомгийн ажил 50 хувьтай явж байгаа гэнэ.
“Гурван охин хамтлаг”-ийхан “Universe best songs” наадмийн шилдэг оролцогч реппер А.Дөлгөөнтэй хамтран уран бүтээл хийсэн байна. Тэд өнгөрсөн долоо хоногт дууныхаа бичлэгт орсон аж. Дууны хувьд dance стилийн дуу болсон бөгөөд реппер А.Дөлгөөн монголоор үглэжээ. Энэхүү дууны талаар мэдээллийг одоохондоо хамтлагийхан нууцлаж байгаа бөгөөд удахгүй дүрсжүүлэн үзэгчидээ хүргэх гэнэ.
www.URLAG.mn
