Өнөөдрийн байдлаар 5100 гаруй залуусыг эгнээндээ нэгтгээд байгаа “Нөлөөллөөс дээгүүрт” аян өчигдөр ХУД-ийн 9-р хороо буюу нисэхийн эцсийн буудлын залуусыг эгээндээ нэгтнэж, хүрээгээ тэллээ. Оюун ухааны доройтол, нийгмийн хоосрол руу залуусыг түлхэж байгаа энэ архи гэгч зүйл өнөөдөр Монгол улсын хэмжээнд үндэсний аюулгүй байдалд халдах хэмжээнд хүрчээ. Харин Татар хамтлаг нийгэмд үүсээд байгаа энэ нөхцөл байдлыг өөрчлөхөд залуусыг уриалж байгаа юм.
Аяныг дэмжихээр ирсэн үзэгч фэнүүд ч өөрөөсөө эхлэн өөрчлөлтийг эхлэхийг уриалж байлаа. Энэ өдрийн аялалын нэг онцлог бол Татар хамтлагийн тоглолтын зар. Ирэх сарын таванд өөрсдийн бие даасан тоглолтоо хийхээр төлөвлөж байгаа тус хамтлаг өчигдөр хамгийн үнэнч сонсонгч, аяныг идэвхитэй дэмжигч гурван хүнд тоглолт үнэгүй үзэх эрхээр бэлэг барьсан юм.
Өөрөө өөртөө эзэн нь байж бусдын муу нөлөөнд авталгүй, хийж бүтээх насандаа эрүүл мэндээрээ хохирохгүй, архины нөлөөнд автахгүй байхын төлөө энэ өдөр 200 гаруй залуус нэг дор цугларч, дуу хоолойгоо нэгтгэн, аяныг дэмжсэн юм.
www.URLAG.mn
