Бид энэ удаа “Mobile news” буландаа хошин урлагийн өөр өөр продакшны, үе үеийн төлөөлөл болсон жүжигчин бүсгүйчүүд хамтран ажиллахаар болсон тухай мэдээллийг хүргэж байна.Үзэгчдийн хайртай “Шинэ Үе” продакшны жүжигчин Г.Ундармаа, “X Түц”-ийн А.Туяа, “Мөрөөдлийн театр”-ын О.Дөлгөөн нар нэгэн кинонд хамтран тоглож байгаа аж. Нас, насны сэтгэл татам бүсгүйчүүд маань ганц бие эмэгтэйчүүдийн тухай өгүүлэх дэлгэцийн бүтээлд тоглож байгаа бөгөөд зураг авалтын ажил дуусах шатандаа оржээ. Тэгэхээр хошин урлагийн ертөнцөд өөр өөрийн өнгө төрх, орон зайг нэгэнтээ бий болгож чадсан жүжигчин бүсгүйчүүд маань удахгүй жүжгийн тайзнаас бус кино дэлгэцээр үзэгчидтэйгээ уулзах нь ээ.
Жүжигчин Г.Ундармаагийн хувьд кино бүтээл гэхээсээ илүү хошин урлагт олон жил зүтгэж буй чадварлаг уран бүтээлч гэдгээр нь үзэгчид тодорхойлох дуртай. Бас “Шинэ Үе”-ийнх гэдгээр нь “овоглох” нь ч бий. Харин жүжигчин А.Туяа, О.Дөлгөөн нарын хувьд сүүлийн үед монголын энтертайнмент ертөнц, тэр дундаа хошин урлагт цахиур хагалан гарч ирж буй залуу уран бүтээлчид. Анх “Хайрын эрэлд” телевизийн олон ангит киноны дүрээрээ үзэгчдийн танил болж байсан О.Дөлгөөнийг залуус “Амьдралд тавтай морил” киногоор нь илүүтэй мэддэг билээ.
Та бүхнийг урлагийн тэнгэр ивээг…
www.URLAG.mn
