Охиноо өлгийдөн аваад удаагүй байгаа реалити-шоуны од Ким Кардашьянд рэп дуучин Канье Уэст 770 мянган ам.долларын үнэтэй гэрлэлтийн бөгж бэлэглэж, гэрлэх саналаа тавьжээ.
"Охин төрүүлж өгснийх нь дараа Канье Уэст Кимд гэрлэх санал тавьсан. Реалити-шоуны од зөвшөөрсөн хариултаа ч тэр даруй өгсөн. Тэд ирэх есдүгээр сард Парист гэрлэх болно" гэж The Sun-д тэдний ойрын гэх эх сурвалж өгүүлсэн байна.
Ким Кардашьян сагсанбөмбөгч Крис Хамфрисаас гэрлэлтээ цуцлуулаад сар гаруйхан л өнгөрч байгаа. Ким эхний гэрлэлтээ олны хүртээл болгож, түүгээрээ багагүй мөнгө олж, шоу нэвтрүүлгээрээ хүртэл эрээгүй цацсан юм. Харин энэ удаад Канье Уэст гэрлэлтээ реалити-шоуны бай болголгүй, ойр дотны хэдхэн хүний хүрээнд хийхийг хүсч буй гэнэ. Харин реалити-шоугүйгээр амьдралаа төсөөлөхөд бэрх болчихсон Ким Кардашьян үүнд нь төдийлөн таатай хандахгүй байгаа ажээ.
www.URLAG.mn
