Монголын рок попын загалмайлсан эцэг гэгддэг “Харанга” хамтлагийн дуучин Х.Лхагвасүрэн үзэгч, сонсогчиддоо бэлэг барих нь ээ. Үе, үеийн сонсогчдын дууг нь сонсох дуртай Харанга хамтлаг ирэх жил 25 нас хүрнэ. Гитарчин Одсүрэн хамтлагийнхаа төрсөн өдөрт зориулан "Оогий Харангатайгаа, гитартайгаа, найзуудтайгаа” тоглолтоо хийсэн. Тэгвэл энэ жилийн баяр, наадмаар дахин сонсогч, фенүүдтэйгээ уулзахаар товоо зарлаж байгаа аж.
Рок, поп урлагийн "хар азарга" Лхагваа анхны бие даасан тоглолтоо ирэх сарын 13, 14-нд СТӨ-нд хийхээр болжээ.
“Морин хуур, Толин хул” нэртэйгээр бие даасан тоглолтонд “Харанга” хамтлаг, ҮДБЭЧ, зэрэг олон уран бүтээлчид оролцох нь ээ. Тэрээр фейсбүүк дэхь цахим хуудсаараа дамжуулан фенүүдээсээ тоглолтондоо дуулагдах дууныхаа саналыг хэдийнээ аваад эхэлчихсэн байгаа шүү. Мөн түүний тоглолтыг тасалбарыг ЭНЭ линкээр холбогдон захиалж болох нь ээ.
Сонирхуулахад,Х.Лхагвасүрэнгийн тоглолтын дараа ирэх есдүгээр сард Ц.Чулуунбат, арваннэгдүгээр сард А.Энхманлай нарын бие даасан тоглолт болно. Харин тэд ирэх оны эхээр тэд БНСУ, АНУ, Европт аялан тоглолт хийнэ гээд бүтэн жилийн турш фенүүдээ баярлуулна гэсэн шүү.
www.URLAG.mn
