Уран бүтээлч Б.Баатарзориг, Б.Номин, Б.Хишигсүрэн, Д.Отгонсүрэн нарын хамтарсан “ТӨГС ЗОХИЦОЛ – Уламжлал ба орчин үе” үзэсгэлэн энэ сарын 4-ний өдөр нээлтээ хийх гэж байна.
976 Галерейд болох уг үзэсгэлэнгийн нээлтийн үйл ажиллагаан дээр “Түмэн Эх” чуулгынхан уран бүтээл бүрийн өнгө аяс, сэдэвт тааруулж орчин үе, уламжлалын хэмнэлийг хослуулсан, маш сонирхолтой тоглолтыг хийнэ.
Энэ нь концерт биш, харин урлагийн онцгой, шинэлэг арга хэмжээ болох ба энэхүү төслөөр дамжуулан уран зураг болон хөгжимд уламжлал болон орчин үе хэрхэн хоршиж болдгийг нэг дор харуулж, сонсуулж, мэдрүүлэх зорилготой талаар зохион байгуулагчдын зүгээс хэлж байгаа юм.
Түмэн эх чуулгын хөгжмийн ангийн 12 уран бүтээлчдээс бүрдсэн цөөхүүл хөгжмийн хоёр шинэ, түүнчлэн шинээр болон уран бүтээлийг харах агшинд шууд найруулан хөгжимдөх есөн бүтээлийг анх удаа галерейн өвөрмөц орчинд хүргэж байгаагаараа онцлогтой.
Дашрамд дуулгахад уг төслийг Үндэсний Дуу Бүжгийн “Түмэн Эх” Чуулгын морин хуурч Б.Нинжээ санаачилсан аж.
www.URLAG.mn
