Энэ жилийн үндэсний баяр наадмын урлагийн тоглолт, нээлт, хаалтын ёслолын арга хэмжээний ерөнхий найруулагчаар нь ажиллаж, наадамчин олноос өндөр үнэлгээ аваад буй Төрийн соёрхолт Д.Сосорбарамыг Р.Чойномын нэрэмжит ганц хүний театр байгуулаад удаж буйг уншигчид мэдэх биз ээ.
Нэрт зохиолч Р.Чойном найрагчийн бүтээлийг орчин цагийн уншигчдад таниулж, ухааруулахад чухал үүрэг гүйцэтгэж буй Со гавьяат Р.Чойном агсны шүлгээр цомог гаргахаас гадна өөрийн шүлгээр дагнасан цомгийн ажилдаа оржээ. Сүүлийн жилүүдэд язгуур урлагийг дэмжихэд авъяас билгээ чилээх болсон тэрээр “Хөсөгтөн”, “Домог”, “Жонон” хамтлагтай хамтарч ардын дуу, домгоос сэдэвлэсэн бүтээл хийхээр төлөвлөж буй талаараа ярьсан юм. Түүгээр ч зогсохгүй ирэх намар Чикаго хотноо “Үлэмжийн чанар” тоглолтоо толилуулах бол наймдугаар сарын сүүлээр ЮНЕСКО-гоос зохион байгуулах найруулагч, ансамбель, хөгжмийн бүтээлийн дэлхийн аварга шалгаруулах тэмцээнд найруулагчийн номинацид өрсөлдөх болсон тухайгаа дуулгалаа. Ийнхүү эрхэм Гавъяат маань энэ намар уран бүтээлийн ургац арвинтай байх нээ.
Таныг урлагийн тэнгэр ивээг…
www.URLAG.mn
