Америкийн зураач Сюзан Фоксын “Миний Монгол” уран зургийн үзэсгэлэн маргааш 16.00 цагт Монголын Үндэсний музейд нээлтээ хийх гэж байна. Зураач Сюзан Фоксын үзэсгэлэнд говь нутгийн байгаль, мал аж ахуй, зэрлэг ан араатанг тосон будгаар буулгасан уран зургууд тавигдах юм.
Сюзан Фокс нь 2012 онд Улаанбаатар хотод уран бүтээлийн үзэсгэлэнгээ дэлгэж байсан юм байна. Тэрбээр дэлхийн хамгийн тансаг байгалиар аялах дуртай нэгэн бөгөөд сюрреалист уран бүтээлчид дунд чамгүй нэр хүндтэй нэгэн аж.
Сюзан Фокс хэлэхдээ “Би цаас, харандаатайгаа байхдаа аз жаргалтай байдаг. Ялангуяа энэ их таашаалыг Монголын нутгаар аялж байхдаа бүр илүү мэдэрсэн. Тэнд байгаль, хүн хоёрын хамгийн дээд зэргийн зохицлыг олж харсан. Тэгээд Чингис хааны эх орноор аялах нь тэр бүр тохиох аз биш” гэжээ.
“Миний Монгол” нэртэй тус уран зургийн үзэсгэлэн энэ сарын 16-н хүртэл Үндэсний музейд дэлгэгдэж нийтийн хүртээл болох юм. Та бүхэн Америк зураачийн “Миний Монгол” үзэсгэлэнд тухлан саатаарай.
www.URLAG.mn
