Бид энэ удаагийн “Mobile News” булангаараа “UBS” телевизийн хөтлөгч П.Одгэрэлийг онцолж байна. Учир нь түүнийг “UBS music” телевизийн захирал боллоо гэсэн мэдээлэл сайтуудаар цацагдах болсон юм.
“UBS” телевизийн хөтлөгч П.Одгэрэлийг чадварлаг хөтлөгч төдийгүй дэлгэцийн сайхан бүсгүйчүүдийн нэг хэмээн үзэгчид үнэлдэг. “Universe best songs” наадмыг жил бүр хөтөлж, монголын урлагт шилдэг, залуу уран бүтээлчдийг тодруулах чухал ажилд хүч, хөдөлмөрөө зарцуулж яваа.
Тэрбээр энэ мэдээлэлд дараах тайлбарыг өгч байна: “ Энэ мэдээлэл ташаа мэдээлэл байна. Би “UBS music” сувгийн ерөнхий редактораар ажилладаг. Ажиллаад жил болж байна. Энэ мэдээлэл яагаад гарах болсоныг мэдэхгүй байна. Хүмүүс буруу ташаа ойлгож бичсэн юм шиг байна хэмээн хэлсэн юм. ”
Ямартай ч хөтлөгч П.Одгэрэл телевизийн захирал болоогүй бөгөөд “UBS music” сувгийн ерөнхий редактораар ажиллаж байгаа аж.
Б.Хорлоо
