Зохиогч: Урлаг

Европын Урлагийн Их Сургуулиудын холбоо буюу ELIA-гийн Азийн орнуудын төлөөлөн Удирдах зөвлөлийн гишүүнээр Монгол Улсын СУИС-ийн Д.Амгалангийн нэрэмжит ДДУС-ийн захирал Д.Уранчимэг сонгогдсон тухай таатай мэдээллийг та бүхэндээ хүргэж байна. Анх 1990 онд байгуулагдсан Европын Урлагийн Их Сургуулиудын холбоо нь өдгөө 47 орны 350 урлагийн их сургуулиуд, 300.000 гаруй оюутнуудын төлөөллийг сүлжээндээ нэгтгээд байна.

Дэлхийн урлаг соёлын академийн гишүүн, утга зохиолын доктор, бичгийн сод туурвигч Дамдинсүрэнгийн Урианхай нь Монголын нэрт соён гэгээрүүлэгч, зохиолч, яруу найрагч билээ. Монголын утга зохиолд өөрийн гэсэн өвөрмөц төрхийг бий болгосон түүний шүлэг, зохиол нь гүн сэтгэлгээний, дахин давтагдашгүй байдаг. Тэрбээр өчигдөр /2018.11.26/10 боть номынхоо нээлтийг Black box театрт хийлээ.

Үндэсний урлагийн их театр 68 дахь жилийн өвөл цагийн нээлтээ Төрийн шагналт, Урлагийн гавьяат зүтгэлтэн, найруулагч, бүжиг дэглээч С.Сүхбаатарын найруулан тавьсан “Наран тамгатай талын Монгол” бүрэн хэмжээний концертоор хийх гэж байна. Концерт 2018 оны арваннэгдүгээр сарын 28, 29, 30-нд 18:00 цагаас тоглогдоно. Тус тоглолтод Төрийн шагналт, Хөдөлмөрийн баатар, Ардын жүжигчин Н.Норовбанзадын нэрэмжит дуучид, Монгол төрийн их найрал, зууны манлай бүжиг дэглээч Төрийн шагналт, ардын жүжигчин Ц.Сэвжидийн нэрэмжит бүжигчид оролцох ажээ.

Мэргэжлийн сэтгүүл зүйн үнэлэмжийг дээшлүүлэх, 2018 оны амжилт, бүтээлээ дүгнэж шилдгүүдийг шалгаруулан алдаршуулах “Ган үзэг-2018” оны тэргүүн наадам 2018 оны 12 дугаар сарын 9-ний өдөр “Crocus Event Hall”-д болно. Наадмын шагналын сан 99 сая төгрөг байх бөгөөд “Шилдэг сэтгүүлч”, “Шилдэг редактор”, “Орон нутгийн шилдгүүд”, “Шилдэг бүтээл”, “Шилдэг хэвлэл мэдээллийн байгууллага” гэсэн номинацуудад нийт 28 төрөлд нэр дэвшүүлэн, шалгаруулах юм.

Нийслэлийн Ерөнхий боловсролын сургууль, цэцэрлэгүүд, багш сурган хүмүүжүүлэгчид, эцэг эхчүүд, хүүхэд залуучуудад зориулсан, хүүхдийн номын хамгийн том хямдралтай үзэсгэлэн, худалдаа нийслэл хотод маань анх удаа болох гэж байна. Тус үзэсгэлэн худалдаа нь “Уншлагыг дэмжих 2021” төслийн хүрээнд 12 дугаар сарын 1,2-ны Бямба, Ням гарагт Соёлын төв өргөө болон Улаанбаатар хотын номын санд зохион байгуулагдах нь ээ.

Монголын тусгаар тогтнол, Монгол бахархлын сарыг тохиолдуулан “Богд Жавзандамба хутагтуудын дүр дүрслэл, XVII-XX зуун” үзэсгэлэн Г.Занабазарын нэрэмжит Дүрслэх урлагийн музейд нээгдлээ.

ӨМӨЗО-ны Хөх хотод Даваа гаригт /2018.11.19/ 15 дахь удаагийн Монгол үндэсний хувцасны фестиваль эхэлжээ. Нийт зургаан өдөр үргэлжлэх энэхүү арга хэмжээнд 159 загвар зохион бүтээгчдийн 2000 орчим бүтээлийг өмсөж сонирхуулах юм байна. 800 гаруй жилийн түүхтэй Монгол дээл нь Хятадын биет бус соёлын өвд багтдаг.

Үндэсний урлагийн их театрын дэргэдэх “Эрхэмсэг” бүжгийн охидын хамтлаг ирэх арванхоёрдугаар сарын 6-ны үдэш “ХУВЬСАХУЙ” тоглолтоо “Корпорейт конвеншн” центрд толилуулахаар болжээ.

Үлэг гүрвэлийн музейн 5 жилийн ойн хүрээнд “Музейн эрдэм шинжилгээний ажилтан”-уудын эрдэм шинжилгээний бага хурал 2018 оны 11 дүгээр сарын 21-22 өдрүүдэд зохион байгуулагдлаа. Энэ удаагийн эрдэм шинжилгээний хурлын үеэр зохион байгуулагдсан “Оюунлаг оюутан 2018”, “Дэлхийн шим ертөнцийн үүсэл хөгжил” сэдэвт онол, практикийн сургалтанд МУИС, ШУТИС- ын эрдэмтэн, судлаач багш нар, Богд Хааны ордон музей, Дорноговь аймгийн музей, Төв аймгийн музей, Говьсүмбэр аймгийн музейн эрдэм шинжилгээний ажилтнууд болон музейн ажилтнууд, оюутан сурагч нар хамрагдлаа.