Засгийн газрын үйл ажиллагааны мөрийн хөтөлбөрт тусгасан Соёл, шинжлэх ухааны салбарын ажиллагчдын хөдөлмөрийн үнэлэмжийг дээшлүүлэх зорилтын хүрээнд Боловсрол, соёл, шинжлэх ухаан, спортын яамны Соёл, урлагийн бодлогын газраас “Соёл, урлагийн салбарын хүний нөөцийн хөгжлийн хөтөлбөр” /2019-2023 он/-ийн төслийг боловсруулж, төслийн хэлэлцүүлэг зохион байгууллаа.
Зохиогч: Урлаг
Монгол Улсын Засгийн газрын 2008 оны 195 дугаар тогтоолын дагуу 2018 оны шилдэг уран бүтээлчдэд нэр дэвшигчийн материалыг 2018 оны 12 дугаар сарын 25-ны өдрийн дотор Засгийн газрын хэрэгжүүлэгч агентлаг Соёл, урлагийн газарт хүлээн авна.
Монголын шинэ цагийн сэтгүүл зүйн түүчээ болсон Ц.Балдорж агсны нэрэмжит сэтгүүл зүйн дээд шагнал гардуулах “Балдорж” шагналд шалгарсан бүтээлд шинжлэх ухааны үндэслэлтэй, мэргэжлийн түвшинд судалж шинжилсэн шүүмж бичих, Монголын сэтгүүл зүйд шүүмж судлалыг хөгжүүлэх, залуу судлаачдыг төрүүлэх, сонин, радио телевизийн бүтээлийг улам бүр чамбайруулах, сэтгүүлчийн бүтээлийг шинжлэх ухааны үндэстэй, бодитой үнэлэх, сургалтыг онол практиктай хослуулж,шүүмж судлалын орчин бүрдүүлэх зорилготой уралдаан зарлагджээ.
Нийслэлийн Соёл, урлагийн газраас санаачлан хэрэгжүүлж байгаа “Урлагийн хот-Улаанбаатар” төслийн хүрээнд Н.Мандалын зохиол “Нууцын эрэлд” хүүхдийн жүжгийг 2018 оны 10 дугаар сарын 26-ны өдөр Монгол Улсын Хүүхэлдэйн театрт нээлтээ хийсэн билээ. Энэхүү жүжиг нь Монгол ардын мартагдаж буй соёлын өв болох оньсого, тааврыг түгээн дэлгэрүүлэх, уламжлуулан үлдээх зорилгоор бичигдсэн төдийгүй хүүхдэд зориулсан жүжгийн зохиолын уралдаанд тэргүүлж “шилдэг зохиол” шагналыг хүртсэн зохиолоор бүтээгдэж байгаагаараа онцлогтой юм.
Монгол Улсын Засаг захиргаа, нутаг дэвсгэрийн нэгж, түүний удирдлагын тухай хуулийн 29 дүгээр зүйлийн 29.2, Нийтээр тэмдэглэх баярын болон тэмдэглэлт өдрүүдийн тухай хуулийн 4 дүгээр зүйлийн 4.1.4 дүгээр заалт, Нийслэлийн Засаг даргын 2018 оны А/1085 дугаар захирамжийн дагуу Нийслэлийн Соёл, урлагийн газраас “Улаанбаатарын мөнгөн шөнө” шинэ жилийн баярын шоу тоглолтыг Д.Сүхбаатарын талбайд зохион байгуулах хөтөлбөр, найруулгын төслийг нээлттэй сонгон шалгаруулалт зарлаж байна.
“Олон улсын оюутны эрхийг хамгаалах өдөр”-ийг тохиолдуулан Монгол Улсын Ерөнхий сайд, Монгол Ардын Намын дарга У.Хүрэлсүхийн ивээл дор, Монголын оюутны тэргүүн дээд шагнал гардуулах “Эрдмийн Хонх” ёслолын арга хэмжээ энэ сарын 17-нд Төрийн ордны их танхимд зохион байгуулагджээ. Тэрбээр “Нийгмийн Ардчилал” Монголын оюутны холбооноос санаачлан сурлага, хөдөлмөр, урлаг, спорт, хүмүүнлэгийн салбарт тив дэлхий, олон улсад амжилт үзүүлсэн шилдэг оюутнуудыг шалгаруулан, олон нийтэд сурталчлан таниулах зорилгоор найм дахь жилдээ уламжлал болгон зохион байгуулсан бөгөөд 2018 оны Соёл, урлагийн салбарын оны шилдэг оюутнаар Шинэ Монгол Технологийн Коллежийн оюутан Батжаргал овогтой Мөнхчимэг шалгарчээ.
Аливаа соёлын өв, түүн дотроо түүх, соёлын үл хөдлөх дурсгалыг хадгалж хамгаалах ажил нь бүртгэх, судлан шинжлэх, сэргээн засварлах, сурталчлах, ашиглах зэрэг цогц ойлголтоос бүрдсэн салбар дундын бодлого төлөвлөлт, байгаль, нийгмийн шинжлэх ухааны огтлолцол дунд хийгддэг өргөн хамрах хүрээтэй онцлог ажил байдаг.
Д.Нацагдоржийн нэрэмжит Улсын Драмын Эрдмийн Театр 2018-2019 оны үзвэрийн жилийн нээлтээ 11 дүгээр сарын 15-нд Америкийн алдарт зохиолч К.Людвигийн “ОДДЫН ӨВЧИН” инээдмийн жүжгээр нээж, театрын урлагийг шимтэн сонирхож, хайрлан биширдэг үзэгчиддээ хайр, ухаарал, инээд баясал бэлэглэхэд бэлэн болоод байна.