Зохиогч: Урлаг
“Хотын соёл гэдэг нь иргэншсэн нийгэмд тухайн хүний биеэ авч явах байдлыг хэлнэ” гэсэн тодорхойлолтыг дэлхийн бүх хот дагаж мөрдөх, хууль журамдаа үндэслэл болгож байна. Манай нийслэл хотод ч үүнийг удиртгал болгож хууль, журамдаа тусгадаг. Хотын соёлыг ахуйн, нийгмийн гэж хоёр ангилдаг. Хүн анхлан хотын ахуйн соёлд суралцаад тэр нь нийгмийн соёлыг сурах суурь болж өгдөг байна. Харамсалтай нь, Улаанбаатар хотод соёлын наад захын хэмжүүрийг баримталж явдаггүй хүмүүс дийлэнхийг эзэлж байгаа. Судалгаа, зөвлөх үйлчилгээний MMCG компани гурван жилийн өмнө есөн дүүргийн 152 хорооны 500 өрхөөс “нийслэлийн иргэдийн сэтгэл ханамжийн судалгаа”-г авсан байдаг. Тус судалгаанд хамрагдсан нийт өрхийн 55 хувь нь гэр хороолол, 45 хувь нь орон сууцны иргэд байсан бөгөөд хотын соёлд хангалтгүй гэсэн хариуг нэгэн дуугаар өгчээ. Судалгаанд оролцогчдын 50 гаруй хувь нь хотын соёл гэж юу байдгийг мэдэхгүй гэж хариулсан нь хотын соёлын наад захын мэдэгдэхүүнгүй иргэд маш олон байгааг харуулж байгаа юм.
Монголын морин спорт, залуу уяачдын холбооноос санаачлан, Засгийн Газрын Хэрэг Эрхлэх газар, Хүнс, Хөдөө Аж Ахуй, Хөнгөн Үйлдвэрийн яам, Хөдөлмөр, Нийгмийн Хамгааллын яам, Боловсрол, Соёл, Шинжлэх Ухаан, Спортын яамтай хамтран зохион байгуулсан “Залуу малчид, уяачдын үндэсний зөвлөгөөн” өнгөрсөн баасан гарагт Төрийн ордны их танхимд болж өндөрсөн билээ.
Дорноговь аймгийн Улаанбадрах сумын уугуул Монгол Улсын соёлын гавьяат зүтгэлтэн, Д.Нацагдоржийн нэрэмжит шагналт, “Болор цом” яруу найргийн наадмын эзэн, Монголын Зохиолчдын эвлэлийн Удирдах зөвлөлийн тэргүүн, нэрт яруу найрагч Арлааны Эрдэнэ-Очир өчигдөр /2018.05.14/ цаг бусаар тэнгэрийн орноо одож, Монголын утга зохиолд нөхөж барашгүй уй тохиолоо.
Өнгөрсөн 2017 оны байдлаар Европын орнуудаас ОХУ-ын кино урлагийн зах зээл хамгийн багтаамжтай байсан хэмээн Оросын “Кино сан”-гийн тэргүүн Федор Соснов хэллээ. Тэрбээр Каннын фестивалийн үеэр нээгдсэн ОХУ-ын павильонд илтгэл тавих үеэрээ энэ тухай хэлсэн юм.
ОХУ-ын Их театрын өргөн бүрэлдэхүүнтэй баг Хятадад аялан тоглолтоо эхэллээ. Их театрын балетын бүжигчид, оркестр тавдугаар сарын 14-нөөс 25-ны хооронд Хятадын Бээжин болон Шанхай хотод тоглоно. Аялан тоглолтын репертуарт Римский-Корсаковын “Царская невеста” дуурь, Адольф Аданы “Корсар”, Борис Асафьевын “Пламя Парижа” балет багтжээ.
Нийслэлийн Баянзүрх дүүргийн 5,22-р хороодоос иргэдийнхээ дийлэнхи олонхийн саналаар сонгогдсон НИХТ Н.Баярмөнх, ДИХТ Ж.Батбаатар нар, бүтээн байгуулалтын улирал эхэлж байгаатай холбогдуулан тойрогтоо ажиллаж, иргэдтэйгээ уулзалт хийж санал сэтгэгдлийг нь сонсч байна.
Нийслэлийн Хүүхэд, Гэр бүлийн хөгжлийн газар, Нийслэлийн Соёл, урлагийн газар, Улсын Драмын Эрдмийн Театр, Соёл, урлагийн их сургууль, Монголын Үндэсний олон нийтийн радио, телевиз хамтран театрын ирээдүйн үзэгчдийг бэлтгэх, үзэгчийн соёлыг төлөвшүүлэх, соёл, урлагийн боловсрол олгох зорилгоор “БИДНИЙ ТЕАТР” жүжгийн уралдааныг Нийслэлийн дүүргүүдийн дунд зохион байгууллаа.
Хүн төрөлхтний оюун санаа, авьяас билгийн гайхамшигт нэгэн туурвил болох театрын урлагийн уран бүтээлчдийн шилдгүүдэд олгодог “Гэгээн муза” наадам өчигдөр Улсын драмын театрт боллоо. Хоёр жил тутамд нэг удаа болдог энэхүү наадам сүүлийн жилүүдэд чансаа, оролцоогоо нэмэгдүүлж олон улсын хэмжээнд зохион байгуулагдаж ирсэн. Тиймээс наадамд оролцох бүтээлүүд улам чанаржиж, тэр хэрээр өрсөлдөөн хүчтэй болж ирсэнийг нэр дэвших бүтээлээс харагдана.