Зохиогч: Урлаг
Сэвжидийн Сүхбаатарын сор бүтээлүүдийн нэгэнд зүй ёсоор орох “НАРАН МАНДАХ ТАЛЫН МОНГОЛ” концертын нээлтийн тоглолтыг үзсэн үзэгчид мартагдашгүй нэгэн үдшийг өнгөрүүлсэн билээ. Монгол Улсын Урлагийн гавьяат зүтгэлтэн, Төрийн шагналт С.Сүхбаатарын найруулгаар бүтээсэн уг концертод Монгол түмний өв соёл, ахуй амьдрал, түүхэн уламжлалыг дүрслэн харуулж, байгаль эх дэлхий Говь, Тал, Хангайг магтан дуулсан үндэсний урлагийн тайзны шинэхэн бүтээл юм.
Гэгээн хайрын баярын өдрөөр хайрттайгаа хамт нэгэн үдшийг өнгөрөөхийг хүсвэл Улсын Филармонийн Баянмонгол жазз найрал хөгжим, рок поп урлагийн шинэ цагийн төлөөлөл болох дуучин Л.Насанбуян, Б.Маралжингоо, С.Хишигжаргал, П.Баярцэнгэл, Г.Тэнүүн нарын хамтарсан “I love you” тоглолтыг зориорой. Тус тоглолтын уран бүтээлчид хүрэлцэн ирсэн хосууддаа өөрсдийн хайр дурлалын дуунууд, жазз хөгжмийн бүтээлүүдээс хүргэн нэгэн үдшийг хамтдаа өнгөрүүлэх юм.
Монголын Үндэсний Музей өөрийн сан хөмрөгт хадгалагдах үзмэрүүдээ тодорхой сэдвийн дагуу үзэгч түмэндээ жил бүр дэлгэн үзүүлдэг билээ. Энэ удаагийн “Монголчуудын уламжлалт сав суулга” үзэсгэлэнд монголын олон газрын уран дархчуулын ухааны, нүдний, гарын гурван урыг шалгасан 170 гаруй үзмэрийг дэлгэлээ.
Өчигдөр буюу 2018 оны хоёрдугаар сарын 8-нд МСНЭ-ийн 17-р их хурал хуралдаж, миний бие 2011 оноос хойш хашсан МСНЭ-ийн Ерөнхийлөгч хэмээх хүндэт албаа дараагийн Ерөнхийлөгч Х.Мандахбаярт өглөө. Оны өмнө л ярилцлага өгөхдөө хэлж байсан ёсоороо тамгаа авч зулралгүйгээр газар дээр нь гардууллаа. Хадаг, мөнгөн аяга энэ тэр бэлдсэнгүй ээ. Харин 1951 оноос хойш өөрийн байргүй явсан байгууллагынхаа анхны үл хөдлөх хөрөнгө болох 43 амметр офисын зориулалттай байрны гэрчилгээн дээр тавьж өглөө. МСНЭ-ээ ямар ч байсан толгой хоргодох оронтой болгоно гэж өмнөх их хурал дээр амласнаа биелүүллээ.
Монгол HD телевизээр албан ёсны эрхтэйгээр нэвтрүүлж буй “Voice” шоу нэвтрүүлгийг анх 2011 онд Нидерландын продюсер Жон де Мол санаачилжээ. Шоу телевизээр цацагдаж эхэлснээсээ хойш богино хугацаанд үзэгчдийн дуртай нэвтрүүлэг болж, олон улсад албан ёсны эрхтэйгээр зохиогдох болжээ. Нэвтрүүлэг нь нууц шалгаруулалт, продюсерийн шалгаруулалт, халз тулаан, хагас шигшээ амьд тоглолт, финал гэсэн таван үе шаттай.
БНСУ-ын Намянжу хот, Монгол Улсын нийслэл Улаанбаатар хот хоорондын хамтын ажиллагааны хүрээнд 2018 онд БНСУ-ын Намянжу хотын “Монгол соёлын хотхон”-д ажиллах мэргэжлийн уран бүтээлчдийн сонгон шалгаруулалт амжилттай болж өндөрлөлөө. Энэ жилийн сонгон шалгаруулалтыг Нийслэлийн Соёл, урлагийн газраас өнгөрсөн сарын 30,31-ний өдрүүдэд Улаанбаатар чуулгын тайзнаа зохион байгуулж нийт бүртгүүлсэн 85 уран бүтээлчдээс 33 уран бүтээлчийг сонгон шалгарууллаа.
Монголын сэтгүүлчдийн нэгдсэн эвлэлийн XVII дугаар Их хурал Нийслэлийн иргэний танхимд /2018.02.08/ болж өндөрлөлөө. Ээлжит хуралд 305 төлөөлөгч оролцсон юм. Ингээд нийт санал өгсөн гишүүдийн 87.57 хувийн саналаар “Зиндаа” сэтгүүлийн эрхлэгч Х.Мандахбаяр МСНЭ-ийн Ерөнхийлөгчөөр сонгогдлоо. Түүний хувьд энэ удаагийн сонгуульд дөрвөн багц зорилтыг дэвшүүлээд байсан юм.
“Gerelt” media групп, “Event Masters” компанийн хамтын бүтээл “LOVE STORY” уран сайхны кино үзэгчдийн хүртээл болоход бэлэн болжээ. Энэ удаад тэд “Үүрдийн хайрын эрэлд” гарсан бөгөөд хариултыг нь хоёрдугаар сарын 14-нд “Univishion”, “Skymedia”, “DDISH”, “Look tv”-ээр өгөх аж. Тодруулбал, хүний сэтгэлийг юу шаналгаж, юу баярлуулдаг, хүн хүнээ хайрлахад юу чухлыг, хайрлахын тулд уучлах, тэвчих, ухаарах хэрэгтэйг энд өгүүлнэ.