Зохиогч: Урлаг

Монсудар” хэвлэлийн газрын хүүхдийн номын “Жангар” редакцын зураач Б.Төрмөнхтэй ярилцлаа. Тэрээр Азийн Соёлын төвөөс жил бүр эрхлэн гаргадаг Азийн орнуудын түүх соёлыг танилцуулах зурагт ном цувралын шалгаруулалтад тэнцэж Монголын уламжлал, түүх соёлыг илтгэсэн зурагт номыг бүтээгээд байна. Монголын түүх уламжлалыг “Ааруулын түүх” зохиолоор дамжуулж дэлхийн мянга, мянган бяцхан уншигчдад хүрэх болсныг дуулгахад таатай байна.

Поп, опера чиглэлээр уран бүтээлээ туурвидаг цөөхөн хамтлагийн анхдагчид нь “Увертюра” хамтлаг билээ. Хамтлагийн үүсгэн байгуулагч дуучин, Ж.Ганбаатарын хүү 5 настай Г.Очир-Эрдэнэ цусны цагаан эсийн хорт хавдраар өвчилж, химийн тарианд өвдсөн тухай мэдээлэл өчигдөр оройноос цацагдаж эхлэв. Мэргэжил нэгт уран бүтээлчид хандивын аян эхлүүлж олон түмнийг нэгдэхийг уриаллаа.

Энэ оны тавдугаар сарын 11-22-нд болохоор төлөвлөгдсөн байсан Каннын олон улсын кино наадам хойшлогдлоо. Зохион байгуулагчид наадмыг долоодугаар сарын 6-17-нд хийхээр болгож өөрчилсөн байна. Хэрэв тавдугаар сард зохион байгуулбал цар тахлын улмаас онлайн хэлбэрээр явуулах болно. Харин долоодугаар сард дэлхийн дахинд цар тахал намжина гэж тэд үзсэн байна. Тус наадам өнгөрсөн жил бүрэн цуцлагдсан билээ.

“Ээж хадны домог” монголын уран сайхны бүрэн хэмжээний киноны дуу сонсогчдод хүрч эхэллээ. Уг дууг “Номин талст” хамтлагийн дуучин, Соёлын тэргүүний ажилтан Т.Дэлгэрмөрөн дуулсан бол аялгууг Монгол Улсын Урлагийн гавьяат зүтгэлтэн, хөгжмийн зохиолч Л.Балхжав, шүлгийг Соёлын тэргүүний ажилтан, сэтгүүлч, яруу найрагч У.Баярсайхан бичжээ. Харин хөгжмийн найруулгыг “Чингис хаан” хамтлагийн даралтат хөгжимчин Ц.Байдраг гүйцэтгэсэн байна.

Хойд Европын олон улсын кино наадмын уралдаант хэсэгт Монголын хоёр уран сайхны кино шалгарч, шагналын төлөө өрсөлдөхөөр болжээ. Их Британи улсын Лондон хотноо ирэх гуравдугаар сарын 20-ноос 27-ны өдрүүдэд болох олон улсын наадамд Б.Отгонзориг найруулагчийн “Эмэгтэй” кино, Э. Ган-Очир найруулагчийн “Дурсаж яваарай” бүтээлүүд албан ёсоор шагналт хэсэгт өрсөлдөх юм байна.