НИТХ-ын ээлжит бус чуулган “Хангарьд” ордонд үргэлжилж байна. Нийслэлийн Засаг даргад нэр дэвшээд буй Э.Бат-Үүл уг хуралд оролцож байгаа бөгөөд яг одоо хурлын төлөөлөгчид түүнээс асуулт асууж, хариулт авч байна.
Засаг захиргааны нэгж, түүний удирдлагын тухай хуулиар нийслэлийн Засаг даргыг НИТХ-ын хуралдаанаар сонгож, Ерөнхий сайд баталгаажуулах ёстой. Тиймээс энэ долоо хоногт багтаан Засгийн газрыг байгуулна гэж эх сурвалжууд мэдээлж байна.
“Дэлхийн мисс 2012” наадамд Монголыг төлөөлөн оролцож байгаа Хүсэлбаатарын Баярмаа авъяаслаг мисс тэмцээний шилдэг 15 бүсгүйн тоонд оржээ. Шилдэг 15-д Монгол, Панам, Ямайк, Норвеги, Макао, Хятад, Парагвай, Сирра Лионе, Филиппин, Куракао, Казахстан, Бразил, Сант Киттс болон Нэтис, Латви, Данийн бүсгүйчүүд багтжээ. Х.Баярмаа “Дэлхийн мисс 2012” тэмцээний эцсийн шалгаруулалтын өдөр Монголын нэрийг гарган өөрийн авъяасаа тайзан дээр үзүүлэх юм.
Уул уурхайн салбарын мэргэжилтэн, хөрөнгө оруулагчид болон бодлого боловсруулагчид гээд энэ салбарын бүхий л төлөөллийг нэгэн дор цуглуулдаг “Discover Mongolia 2012” олон улсын чуулга уулзалт наймдугаар сарын 30, 31-нд Монголын хүүхдийн ордонд болох гэж байна. Энэ удаагийн чуулга уулзалт өмнөх жилүүдийн уламжлал ёсоор олон улсын бага хурал, Засгийн газрын цаг, оролцогч компаниудын үзэсгэлэн, уурхайн үйл ажиллагаатай танилцах гэсэн дөрвөн үндсэн чиглэлийн дагуу болох юм байна.
Олимпын тэнгэр дор эх орныхоо алтан соёмбот далбааг намируулан элэг нэгт Монгол түмэндээ цэнгэлийн манлай эдлүүлсэн жүдо бөхийн төрөлд өрсөлдсөн тамирчид өнөөдөр 06:00 цагт эх орондоо ирлээ. Тэднээс мөнгөн медаль хүртсэн хөдөлмөрийн баатар, гавьяат тамирчин, олимпийн аварга Н.Түвшинбаяр, хүрэл медаль хүртсэн ОУХМ С.Ням-Очир нар “Чингис хаан” буудалд газардмагцаа сэтгүүлчидтэй уулзсан билээ. Тэднийгээ хараад үнэхээр л эх орны минь баатрууд гэмээр бахархах сэтгэгдэл хэн хүнгүй л төрж байлаа. Лондонгийн олимпийн баатрууд байж, нутаг нэгтнүүддээ спортын цэнгэл, баяр бахдал мэдрүүлсэн тэднийг БТСГ, МЖБХ-ны удирдлага, БСШУЯ-ны сайд Ё.Отгонбаяр, тэдний гэр бүлийнхэн, эх орон нь, элэг нэгтнүүд нь ийн угтаж авлаа.
Америкийн хараагүй хөгжмийн зохиолч, хөгжимчин, дуучин Стив Уандер гэр бүлээ цуцлуулах өргөдөл гаргажээ. Өдгөө 62 настай алдартан өөрийн эхнэр болох загвар зохион бүтээгч Кай Миллард Морристойгоо таарахаа больсон талаараа ярьсан байна. Тэд 2001 оны есдүгээр гэрлэсэн бөгөөд 2009 оноос хойш тусдаа амьдарч байсан юм.
1950-иад оны дунд үед “Америкийн секс билэг тэмдэг” гэгдэж байсан жүжигчин Мэрилин Монро одоогоос 50 жилийн өмнө учир битүүлгээр хорвоог орхисон юм. Шүтэн бишрэгчид нь алдарт жүжигчнийг одоо ч гэсэн санан дурссаар байна.
Алдарт жүжигчин Мэрилин Монро1962 оны наймдугаар сарын таванд буюу 36-хан насандаа хорвоог орхисон. Түүнээс хойш хагас зуун жил өнгөрчээ.
Хөгжмийн зохиолч Л.Балхжавын “New star” наадмын Гранпри шагналт дуучин М.Маргад-Эрдэнэ цомгийн бичлэгийн ажилдаа ороод дуусах шатандаа орсон гэнэ. Тэрээр “UP MUSIC” продакшнд “Anemone” хамтлагийн хамт уран бүтээлээ нэгэн зэрэг хийж байгаа бөгөөд түүний продюсерээр нь “Харанга” хамтлагийн Ц.Чулуунбат, хөгжмийн найруулагч Н.Халиун нар ажиллаж байгаа.
Монголын хүчтэй boy band-уудын нэг “Номин талст”-ын дөрөв Хаазааг эс тооцвол хаа очиж гэр бүлийн тал дээр тогтвор суурьшилтай, үлгэр жишээ залуус. Хамтлагийн ахлагч Д.Батсүх энэ удаад бүл нэмэх гэж байгаа бөгөөд гэргий Н.Жаргалан нь хөл хүнд болсноо тун ч их нууцалж байгаа аж. Нэрт өмгөөлөгч Ж.Нарангэрэлийн эрх танхи ууган охин Н.Жаргалан хатагтай цагтаа загварын тайзнаа моод үзүүлж явсан жаатай бүсгүй. МУИС-ийг сэтгүүлч мэргэжлээр дүүргэсэн тэрээр дараахан нь Францад мэргэжил дээшлүүлж байсан.
Дуучин Маралжингоо уран бүтээлийн ажилдаа эргэн оржээ. Тэрбээр хоёр дахь цомгийн ажилдаа орсон байна. Түүний шинэхэн цомгийн хувьд ерөнхий продюсерээр ая зохиогч Ганг ажиллаж байгаа бол хоолойн бичлэг нь дуучин Ж.Алтанцэцэгийн “Prosounds” студид хийгдэж байгаа юм. Тэрбээр хувийн амьдрал болоод мэдлэг боловсролдоо анхаарахаар хэсэг хугацаанд уран бүтээлээсээ хөндийрээд байсан юм.
“Ухаарч амжаагүй бүхний чинь төлөө” дуугаараа олны танил болж байсан “Салхи” хамтлаг таван жилийн өмнө “Хайрын гудамж” тоглолтоо хийж байсан. Одоо хамтлагийнхан хувийн ажлаа хийж байгаа бөгөөд хамтлагийн гишүүн Даашка машины ченж болж, Насаа уул, уурхайн бизнес эрхэлж, Хуягаа баар ажиллуулан, харин Эбэ “Монос групп”-т ажилд орсон гэнэ.
