Дуурь, бүжгийн эрдмийн театрын тайзнаа ирэх аравдугаар сарын 11-нд 19.00 цагт “Орос хөгжмийн үдэш” тоглолт эгшиглэх гэж байна. Уг тоглолтыг Монгол, Орос улс хоорондын хамтын ажиллагаа, найрамдлын сарын ажлын хүрээнд хийж байгаа бөгөөд энэ жилийн найрамдлын сарын гол төлөөлөгчид нь Эрхүү мужийн зочид байх нь ээ
. Эрхүү мужийн “Филармони”-ийн хамт олон анх удаа монголд хүрэлцэн ирж байгаа юм. ОХУ-ын Соёлын гавьяат зүтгэлтэн, маэстро И.Лапиньшийн удирдлаган дор 75 уран бүтээлчдийн “Орос хөгжмийн үдэш ” концертыг ДБЭТ дэмжин хамтарч, “Тод-Арт” эжинси, “Саунд оф Монголий” ерөнхий зохион байгуулагчаар нь ажиллаж байгаа юм.
Оросын суутнууд А.Бородин, М.Глинка, П.Чайковский, Н.Римский-Корсаковын хүчирхэг бүтээлүүд хөтөлбөрт байна. Хөнгөхөн, сэтгэл сэвэлзүүлэм хөгжимтэй алдарт Г.Свиридов, домогт И.Дунаевскийн зохиолууд ч байна. Найрал хөгжимчдийн тоглолтыг маэстро, ОХУ-ын урлагийн гавьяат зүтгэлтэн И.Лапиньш удирдах бөгөөд дуучин сопрано М.Тошева, меццо- сопрано Е.Переверзева, тенор Е.Иганс, баритон Г. Шабанов нар гоцлон дуулах ажээ. “Ой цветет калина”, “Одессийн тухай дуу”, “Капитан Грантын хүүхдүүд “, ”Кубанийн казакууд” зэрэг танил дотно ая эгшиг ч үзэгч олны сонорыг мялаах юм байна.
Тоглолтын хөтөлбөрийн хүргэе:
1-р хэсэг:
А. Бородин “Игорь Ван” дуурийн увертюра
М. Глинка “Вальс Фантазия”
П. Чайковский “Элегия”
Н. Римский- Корсаков “Хааны сүйт бүсгүй” дуурийн Марфагийн ари
А. Бородин “Игорь Ван” дуурийн Игорийн ари
П. Чайковский “Евгений Онегин” дуурийн Ленскийн ари
П. Чайковский “Гилбэрийн хатан” дуурийн Лизагийн ари
П. Чайковский “Гилбэрийн хатан” дуурийн Елецкийн ари
А. Глазунов “Раймонда” балетийн адажео
Г. Свиридов “Романс”
2-р хэсэг
И. Дунаевский “ Капитан Грантийн хүүхдүүд “,”Кубанийн казакууд”,” Хөгжилтэй хүүхдүүд”, “Алай салбадайн хүү”, кинонуудын хөгжмүүд болон хөгжмийн зохиолчийн алдарт “Ой цветет калина”, “Одессийн тухай дуу” зэрэг бүтээлүүд эгшиглэх нь ээ.
www.URLAG.mn
