Тэнгэр нь хав хар тэр хавийн бүх сар үүл болоод нүүчихсэн
Тийм ахуйн доодтойх бяцхан дүнзэн байшингийн унтлагын өрөөнд
Элдэв дүрстэй тоолж баршгүй олон хүмүүс
Энэ булангаас тэр булан хүртэл солонго шиг л дамнажээ.
Чи хар даа. Сайн хар. Нүдэндээ ч итгэхгүй байна уу.
Зочин бүр нь өөрийнхөө дарс хөнтөрдөг хундагатайгаа
Зоогийн ширээ гэж үгүй, урд дамнуурган дээрх битүү хүнс
Үхрийн хэл, утсан загас, шинэхэн түрс,
Үнэр нь ханхалсан цагаан гаа, хулуу, шармал шиш
Чиний хүмүүс харж байгаа шиг чинь галбирлаг биш
Чихэнд сонсголонтой мянган аяз дуугаравч чи таг дүлий.
Гунигтайхан улаан даашинзыг өрөөгөөр нил асгасан
Гурван ч бусгүй гал халуун, үнэр нь яг л уруулийн будаг шиг
Гурвуулаа чам дээр харцаа шидэлнэ.
Хамгийн сонирхолтой хэсэг нь хамгийн сонирхолгүй гэдэг нэртэй
Хамт байгсад чинь хэн ч байхгүй дүртэй
Чиний байгаа ахуйг ахуй биш гэдэг
Чи хар даа. Сайн хар. Нүдэндээ ч итгэхгүй байна уу.
Хоёрхон хором хүлээ одоо л хамгийн хачирхалтай нь
Хорвоогийн хамгийн сонин үдэшлэгт чи очиж үзсэн үү
Тэнгэр нь хав хар тэр хавийн бүх сар үүл болоод нүүчихсэн
Тийм ахуйн доодтойх бяцхан дүнзэн байшингийн унтлагын өрөөнд
Гэнэт унтлагын хувцастай бяцхан жаал.
Инээх ч үгүй, уйлах ч үгүй, эргэж харсан ч үгүй.
Чи чамайг байнга дууддаг өглөөний сэрүүлгэндээ үзэгдэхээр
Чичих шиг л цочисхийн сэрээд
Нүдний шилээ тохож аваад л
Нөгөө сонин үдэшлэгт очсоноо, нүдээ нээснээс цаадтайх бүхнээ
Унтлагын хувцастайгаа тайлаад шидчихнэ.
Харин одоо толинд нүүрээ хартал
Нүүргүй нүүртэй царайлаг, царай муутай
Буцаж орондоо шургах завгүй, цаг завгүй цаг хугацаатай.
Хорвоогийн хамгийн сонин үдэшлэгт чи очиж үзсэн үү…
