Монголын уран зургийн галерейд уран бүтээлч Н.Сонинбаяр “Тал нутгаас тавхайн чинээ” бие даасан үзэсгэлэнгээ дэлгэлээ.
Н.Сонинбаяр нь “Хөх нар” Монголын орчин үеийн урлагийн төвийн уран бүтээлч, арт координатор юм. Тэрбээр уран бүтээлийн гараагаа 2021 онд тус төвийн зохион байгуулсан “Булаг” арт кемп хөтөлбөрөөр эхлүүлж, түүнээс хойш “For those who lost” хамтарсан үзэсгэлэн (2022), “Зүүн Арт” (2022), “UBIMAF” (2022), “Сэлэнгэ” арт кемп (2022), “Artweek” (2021, 2023), “Street Photography Exhibition 01” (2023), “Bluesun” (2025) зэрэг үзэсгэлэн, олон улсын солилцооны хөтөлбөрүүдэд оролцож гэрэл зураг, видео арт, медиа арт, өрөг урлаг зэрэг орчин үеийн урлагийн олон төрлөөр уран бүтээлээ туурвисаар байгаа юм.
“Тал нутгаас тавхайн чинээ” үзэсгэлэнд эх орноо эрэлхийлж, илэрхийлэх Монгол хүний сэтгэл, эмзэглэлийг тээн өөрийн дурандаа буулгасан түүний 80 орчим гэрэл зургууд болон медиа артын бүтээлүүд дэлгэгджээ.
Үзэсгэлэн дөрөвдүгээр сарын 30-ны өдрийг дуустал үргэлжилнэ.
