Амьдрал бол телевизийн олон ангит реалитит шоу
Адармаантай, адал явдалтай, гунигтай, заримдаа сонирхолгүй
Яг л Жемь Керригийн тоглосон кино шиг хиймэл
Ялгаа нь гэвэл би чи бид бүгд тус тусдаа гол дүрийг бүтээнэ
Найруулагчид нь сохор дурлал бас чөтгөр магадгүй цаг хугацаа
Найрнаас харьж яваа хүн шиг ажилдаа ихэвчлэн согтуу ирдэг ч тэд
Халагддаггүй. Учир нь хайр, үзэн ядалт, гэхчлэн тэдний зохиосон
Эмх замбраагүй
Этгээд сонин зохиол нь
Үзэгчдэд
Үнэлэгддэг Үзэгчид нь бурхад бас сахиусан тэнгэрүүд
Үдийн хоолныхоо дараа бас
Үдэш унтхаасаа өмнө тэд гэр бүлээрээ тухлан суугаад биднийг үзнэ
Үхэлтэй учирч байгаагүй, шаналж мэдэхгүй, уйлж ч чадахгүй болохоор
Бурхад
Бидний энэлэлээс таашаал авна
Хэр их зовж төөрөлдөж тарчилна
Тэр хэрээр амжилт олно бид
Тэгээд эцэст нь амар амаглангаар шагнуулна
Амьдрал бол нэг ийм…
Амттай ч биш л дээ.
Амьсгал минь дэлгэцнээ тасарна.
www.URLAG.mn
