Алтны магнат Ц.Мянганбаяртай дэр нэгтгэж, хөөрхөн охиндоо М.Хайрмаа гэх нэр хайрласан фото модель Д.Ариунцэцэг хэсэг хугацаанд Сингапурт амьдарч байгаад ирсэн. “Монголын сайхан бүсгүй” тэмцээнд өрсөлдөн “Ард түмний мисс” гэх эрхэм алдрыг үзэгч түмнээсээ хүртсэн эгэл даруухан энэ бүсгүй олны нүдэнд төдийлөн өртөх дургүй. Эх орондоо ирснээсээ хойш томоохон арга хэмжээнд оролцож, реклам сурталчилгааны зураг авахуулаас бусад үед тун ч нууцлаг байдаг тэрбээр сүүлийн үед хүмүүнлэгийн ажилд идэвхтэй оролцон мисс, загвар өмсөгч найзуудыгаа “уруу татаж” яваа.
Топ модель Д.Пүрэвсүрэнд чичлүүлэн байж Ц.Мянганбаяртай эхлүүлсэн амьдралдаа огтхон ч харамсдаггүй мисс Д.Ариунцэцэг насны зөрүүтэй сонголт нь эд хөрөнгө бус чин сэтгэлийн хайр дээр тогтсон гэдгийг цаг ямагт баталсаар ирсэн. Хэдийгээр эхнэртэй эрийн өвөрт шургасан гэх хэл амнаас болж нэгэн үе хилийн чанадыг зориход хүрсэн ч гэлээ, өнөө цагийн мисс нэртэй шунал нь дэндсэн хүүхнүүд шиг элдэв брэнд гоёл шүтэж, “од” болохыг хүсдэггүй түүнд ам сайтай хүн олон байдаг юм билээ. Тэрбээр хамгийн сүүлд нэгэн хэвлэлд өгсөн ярилцлагадаа “Би мисс болоогүй шүү дээ, ард түмэн л тэгж өргөмжилсөн.
Магадгүй, намайг миссийн титэм зүүнэ гэдэгт итгэж суусан хүмүүс “Ард түмний мисс” гэх алдрыг хайрласан байх. Гэхдээ одоо надад мисс гэж дуудуулахаас илүүтэй бусдын адил энгийн амьдарч, буяны үйлсэд гар сунгах хүсэл их байна. Ямар ч нэр алдар, хөрөнгө мөнгө чухал биш. Охиндоо сайн ээж, олондоо тустай хүн байхын төлөө хичээж амьдарна” гэж өгүүлжээ.
Эх сурвалж: Photonews.mn
