Сэрвэй хүрэн уулсын залаа
Сэтгэлд тодхон майхан цахираа
Сэмрэх орчлонд хүйгээр холбоотой
Сэрүүн дулаан өлгий нутаг аа
ДХ: Адтайхан бага насаа ахин дахин саналаа
Аав ээж хоёрынхоо амин сургаалд биширлээ
Тайван орших нутгийн зулай
Таван эрдэний сүргийн бэлчээр
Тансаг эрдэнийн баялаг ордтой
Та бидний мөнхийн өлгий
ДХ:
Буянтай буурлын өлзий оршисон
Буурал түүхтэй сүрлэг уулаа
Буцаад ирхэд хийморь тэтгээстэй
Бурхад тодорсон нөмөр уулаа
ДХ:
Үг: На.Ганбаатар
Ая: Г.Жанцансамбуу
