Соёлын тэргүүний ажилтан, жүжигчин Б.Амарсайхан болон түүний гэргий С.Уран нар АНУ-ын уран бүтээлчидтэй хамтран Есүс Христийн тухай кино бүтээхээр ажиллаж буй юм байна. Энэ талаар С.Уран “Бид энэ 2017 онд АНУ-тай хамтран Есүс Христ, итгэлийн тухай кино хийхээр сэтгэл шулуудан ажиллаж байна.
Өнөөдрийг хүртэл Бурханы сайн мэдээний талаар ил, шууд утгатай уран сайхны кино манай улсад хийгдэж байгаагүй. Уг уран бүтээлээрээ дамжуулан Бурханы хаанчлалыг тэлэх ажилд хувь нэмрээ оруулна гэж зорьж байгаа” хэмээн хэвлэлд ярьжээ.
Дашрамд дуулгахад СТА, жүжигчин С.Амарсайханы гэр бүл Есүс Христэд итгэдэг аж.
