Бритни Спирс, Бейонсе, Эва Мендес, Мила Кунис нарын авч байсан “Fun Fearless Female Awards”-ын цомыг тун удахгүй монгол бүсгүйчүүд гардах гэж байна.
Дэлхийн 100 гаруй улсад 120 сая хол давсан уншигчтай Космо сэтгүүлээс зохион байгуулдаг энэ арга хэмжээ АНУ, Их Британи, Австрали, Испани, Энэтхэг зэрэг орны эмэгтэйчүүдийн хамгийн нэр хүндтэй тэмцээн аж. “Fun Fearless Female Awards”-д есөн төрөлд 50 эмэгтэй хүч үзэж байна. Нэр дэвшсэн бүсгүйчүүдийг дэмжигчид Cosmopolitan Мongolia facebook хаягаар like хийж, аль ч үүрэн телефоны дугаараас 150010 дугаарт мессэж илгээж болно. Хамгийн их санал авсан cosmo lady “Fun Fearless Female Awards”-ын цомын эзэн болно. Топ модель Д.Пүрэвсүрэн, Үндэсний телевизийн хөтлөгч Ч.Ичинхорлоо, зохиолч Б.Шүүдэрцэцэг, дуучин С.Наран, олимпийн мөнгөн медальт О.Гүндэгмаа, жүжигчин Г.Отгонцэцэг, “Петровис”-ын Д.Энхчимэг нарын бүсгүйчүүд хүч үзэж буй уг арга хэмжээ энэ сарын сүүлээр нэлээд өвөрмөц зохион байгуулагдах бололтой. Зуу гаруй хүнд л нээлттэй болох, салбар салбарын томчууд цуглах энэ арга хэмжээний тасалбар нь багагүй үнэтэй гэсэн сураг сонсогдож байна. Дор хаяж 100 гаруй ам доллар байх бололтой.
