“Элькондор” нэртэйгээр дөрвөн залуу 90-ээд онд мэргэжлийн дуулаачийн хамтлаг байгуулж, олон түмнийг байлдан дагуулж байсан цаг одоо түүх болжээ. Тус хамтлаг “Хайрын гудамж” нэртэй концертоо СТӨ-нд гурван өдөр дараалан тоглосон нь анхны бөгөөд сүүлчийн тоглолт байсныг тухайн үед хэн ч мэдээгүй билээ.
Үүнээс хойш дахин хамтлагаараа нийлж уран бүтээл, цомог, дуу нэгийг ч гаргаагүй бөгөөд гурван жилийн өмнө хамтлагийн дуучин СТА Б.Цог Улсын циркт үзэгч, сонсогч фэнүүддээ бие даасан тоглолтоо толилуулсан билээ.
Тэгвэл түүний араас дуучин П.Хэрлэн 15 жил хүлээлгэсний эцэст өөрийн бие даасан тоглолтоо СТӨ-нд аравдугаар сарын 2-нд тавихаар бэлтгэл ажилдаа ороод байна. Түүний концертыг “Жигүүр гранд групп” ивээн тэтгэж, “On’n Off” продакшн зохион байгуулах сурагтай.
Г.Заяа (www.wikimon.mn)
