Солонгын долоон өнгөөр туяарсан “Гала”-гаас өөрийн гэсэн өнгө төрхийг бүрдүүлсэн дуучин бол Ану. Тэрбээр өчигдөрхөн 26 насныхаа төрсөн өдрөө чимээ шуугиан багатайхан тэмдэглэн өнгөрүүлжээ. Хачирхалтай нь өчигдөр Ануд баярын мэнд хүргэхээр залгасан хүмүүс “Таны залгасан дугаар холбогдох боломжгүй байна” гэсэн хариулт л сонссон гэнэ. Учир нь тэрбээр шинэхэн хайртай учирч, халуун хайрандаа шатаж яваа тул хайраасаа өөр хэнтэй ч холбогдохыг хүсээгүй бололтой. Угтаа дуучин Ану урд хөршид суралцаж байгаа. Шинэ жилийн баярын үеэр шинэхэн цомгоо худалдаанд гаргана хэмээн Монголд ирсэн тэрбээр цомгийн баяраа ч хийхгүй нам гүмхэн байгаа нь ч үүнтэй холбоотой гэнэ шүү. Ямартай ч охидын шүтээн болсон Анугийн хайр дурлалд аз жаргал хүсье.
Н.НОМИН
