ОХУ-ын гавьяат жүжигчин, Буриад улсын ардын жүжигчин Б.Амархүү мөрийтэй тоглоомд тун ч аз, одтой нэгэн гэнэ.Телевизийн шоу нэвтрүүлгээс алдрын гараагаа эхэлсэн тэрбээр энэ удаа ч мөн «Победи Покер Старс» хэмээх шоунд хүч үзсэн байна. Уг шоуны оролцогчид нь урлаг, спортын алдартнууд бөгөөд тэдний өрсөлдөгчид нь мэргэжлийн мөрийтэй тоглоомчид байдаг аж. Тэднийг онлайнаар хэрхэн тоглож, хожиж, хожигдохыг нь сая, сая үзэгч шимтэн үздэг байна. Уг шоуны арванхоёрдугаар сарын ялагчаар дуучин Б.Амархүү тодорч, хамгийн сүүлийн үеийн загварын «Бенз» машины эзэн болжээ. Тэрбээр эхний үед мэргэжлийн мөрийтэй тоглоомчин Иван Демидовыг хожиж, «Imars» брэндийн компьютер хожсон аж. Ийнхүү дуучин залуу шоунаас хоёр ч бэлэгтэй гэртээ харьжээ.
Эх сурвалж:Өглөөний сонин
