Зурх уйлдаг юм билээ
Зугээ олохгуй төөрдөг юм билээ
Зуйл бурээр шаналдаг юм билээ
Зөвхөн чамайг л зурхэндээ хайрладаг юм билээ
__________________________
Уйлж уйлчихаад нулимс дуусахад
Уужирсан сэтгэл инээмээр болдог шиг
Дурлаж дурлачихаад бялуурахын цагт
Үнэнийг тунгаан ганцаардмаар болдог
__________________________
Хайраар дүүрэн сэтгэл минь буцалж байна шатаж байна
Хаанаас олохоо мэдэхгүй шаналж байна бидэрч байна
Сэтгэлийн нууцанд сэлэх хайр чамайг хүлээж байна гансарч байна
Сэмээрхэн ирдэг гэсэн чи ………….Хэзээ ирэх юм бэ?
__________________________
Хагацал гунигийг үхэлд л даатгах
Хайрын минь эзэн чи байгаасай
Хорвоогийн сайхныг надад бэлэглэх
Хамгийн гэсэн бүхний минь эзэн чи л байгаасай
__________________________
Урьд шөнө би чамтай хамт дуу дуулсан. Сэтгэлээ бүлээцтэл.
Урууланд чинь тэгээд уруулаараа хүрсэн. Сэтгэлээ халууцтал.
Сэмхэн инээмсэглэлдээ гуниг шингээж гэр лүүгээ ороход чинь
Сэтгэл минь ганцаардах мэт болж дараагийн учирлыг өөртөө амласан
__________________________
Хаа ч явсан сэтгэл минь гэртээ
Харуулдан хүлээгч хань чамдаа
Гэртээ ирэхэд гэр минь гэгээтэй
Гэнэхэн чамдаа би хайртай
__________________________
Хэрвээ уйтгар гуниг чамаас холдохгүй
Хэрвээ ганцаардал хажууханд чинь байвал
Хорвоо ертөнцөд хэн нэгэн чамайг
Хайрлаж байгааг санаарай.
__________________________
Түүнийг бодоогүй өдөр надад үгүй
Түүныг зүүдлээгүй шөнө надад үгүй
Түүныгээ хайрлаагүй хором надад үгүй
Түүнгүй байвал амьдрал чи бас үгүй
__________________________
Аниргүйхэн дотносохдоо дасна гэж санасангүй
Аятайхан төрхөнд чинь татагдана гэж бодсонгүй
Нэг л мэдэхэд чамайг үгүйлдэг болжээ
Нээрэнгээсээ чамд сайн болжээ
__________________________
Тэнгэрт дүүлэх ододтой би чамайг жишихгүй
Тэнгист тусах сартай би чамайг зэрэгцүүлэхгүй
Тэр л хэвээрээ тэд тэнгэртээ сайхан
Тэр л чигээрээ чи минь наддаа сайхаан
__________________________
Хүсэн хүлээсэн сэтгэлдээ би
Хүнийх гэж боддоггүй чамайгаа
Хуй салхи болон ирээч дээ наддаа
Хоромхон ч гэсэн дэргэд чинь байхсан
__________________________
Голоод надаас явсан бол.
Шилээд сайхныг нь сонгоорой.
Гомдоод надаас явсан бол.
Эргээд наддаа ирээрэй.
__________________________
Өнгөрсөн бүхэн сэтгэл сэвэлзүүлэн одох нь
Өөрийнх юм шиг чамдаа дэндүү дассаных байлгүй…
Өвөрт асгарсан нулимс зүүдэнд хураад одох нь
Өр нэхэж амьдарсан сэвгүй хайрынх байлгүй…
www.URLAG.mn
