Холливудын алдарт жүжигчин Том Круз болон түүний эхнэр Кэти Холмс нар таван жилийн турш хамт амьдарсны эцэст гэр бүлээ албан ёсоор цуцлуулжээ.
“People magazine” сэтгүүлийн цахим хуудсанд бичсэнээр, Нью-Йоркийн шүүхэд хосуудын гэр бүлийг цуцлах тухай баримт бичигт гарын үсэг зурсан байна. Тэдний гэр бүлийг цуцлах ажиллагаа маш богино хугацаанд болжээ. Кэти Холмс Холливудын кино одоос салах өргөдлөө хоёр сар орчмын өмнө өгсөн юм.
Холливудын “дэггүй охин” Линдсей Лохан өнгөрсөн жилийн хоёрдугаар сард “Beverly Hills”-ээс үнэт эдлэл хулгайлж байгаад баригдаж дөрвөн сар шоронд суух ялаар шийтгүүлсэн ч шүүгчид энэрэнгүй зан гаргаж, шийдвэрээ өөрчлөн түүнийг нийгэмд тустай хөдөлсөр хийлгэх шийтгэл оноосон билээ.
Аврил алдарт Nickelback хамтлагийн гитарчин Чад Крогертэй сүй тавьснаа зарлалаа.
37 настай Чадын хувьд энэ бол анхных нь гэрлэлт, харин 27-той Аврилын тухайд түүний хоёр дахь гэрлэлт юм. 2006-2009 онд панк попын гүнж Аврил Лавин Канадын рок од Sum 41 хамтлагийн Дерик Виблейтэй зохиосон амьдрал нь бүтэлгүйтэж “хоёр тийш” болсон.
Монгол Улсын Засгийн газраас хэрэгжүүлж буй “Сонгодог урлаг II” хөтөлбөрийн хүрээнд энэ жил Римски-Корсаковын “Шахеразада”, Э.Чойдогийн “Шарилжин дундах цэцэг” балетийн бүх хувцсыг шинэчилж, тоглуулахаар болжээ. Өдгөө Дуурь бүжгийн эрдмийн театрынхан бүжгэн жүжгийн хувцсыг шинээр хийж байгаа агаад арванхоёрдугаар сар гэхэд бэлэн болгох төлөвлөгөөтэй. ДБЭТ-ын урын санд хамгийн олон жил болж байгаа бүтээлүүдийн тоонд дээрх бүжгэн жүжгүүд багтдаг юм билээ. “Шахеразада” балетийг 1962, “Шарилжин дундах цэцэг”-ийг 1963 онд Монголын тайзнаа анх тавьсан түүхтэй.
“Помогите нам-1, 2” уран сайхны цуврал киногоор үзэгчдээс сайн үнэлгээ авсан уран бүтээлчид гуравдугаар ангийг нь бүтээжээ. Тэд “Помогити нам- 3”-ыг 3D форматаар хийсэн бөгөөд үйл явдал нь өмнөх хоёр ангитайгаа холбогдоогүй гэнэ. Мөн “Помогите нам-1, 2” кинонд тоглосон жүжигчдээс соёлын тэргүүний ажилтан М.Саранцэцэг, “Захиалгат инээд” хамтлагийн Адьяа нарын цөөхөн жүжигчин шинэ ангид тоглосон бөгөөд бусад нь солигдсон гэнэ. Өмнөх ангиудын үйл явдал Сибирийн тайга, Монголын говьд өрнөж байсан бол энэ удаа Хөвсгөл далайгаас тусламж хүсэж байгаа аж. “Помогите нам-3”-ын зохиолыг Ш.Даваадорж бичиж, өөрөө найруулсан бөгөөд зургийн даргаар М.Саранцэцэг ажиллажээ. Уг кино энэ сарын 25-нд нээлтээ хийнэ.
“Зүүн Азийн хүүхдийн урлагийн X их наадам” өнөөдөр Улаанбаатар хотноо эхлэв. Тус наадмыг ЮНЕСКО-гийн Монголын үндэсний комисс, Хүүхдийн төлөө үндэсний газар, Олон улсын хүүхдийн “Найрамдал” төв хамтран зохион байгуулж байгаа юм. Наадамд Монгол, Хятад, Япон, Солонгос улсын төлөөлөгч хүүхдүүд, гишүүн орнуудын ЮНЕСКО-ийн нарийн бичгийн дарга нар нийт 350 төлөөлөгч оролцож байгаа билээ. Өнөөдөр гадаадын зочдоо хүлээж авлаа.
Японы “Самрын үр” киног Монголд зохиогчийн эрхийн дагуу хүүхэд залуус, өсвөр насныхан болоод насанд хүрэгчид үзүүлэхээр болжээ. Эл киногоор хөгжлийн бэрхшээлтэй хүмүүст тулгардаг асуудал, бэрхшээлийг ойлгуулахаар Монголын үзэгчдэд хүргэхээр болсон нь энэ. Уг кино нь 1997 онд бүтээгдсэн бөгөөд нийгмийн нэгэн хэсэг болох хөгжлийн бэрхшээлтэй иргэдийн бодит амьдрал дээр тулгуурлан хүүхэлдэйн жанраа хийгдсэн байна. Бүтээлд сонсголын бэрхшээлтэй нэгэн охины амьдралыг өгүүлэх бөгөөд түүний амьдралтай холбоотой олон үйл явдал, гэр бүлд нь тулгарч буй асуудлуудыг хүүрнэхийн зэрэгцээ Самарын үр хэмээх төрийн бус, сайн дурын байгуулга хэрхэн байгуулагдсан талаар гарах юм.
Саяхан “Мишээл экспо”- д болсон “Silence white” шоуг зохион байгуулсан “Монгол микс” продакшны хамт олон тэндээс сэтгэл дундуур гарсан залуусаас уучлалт гуйжээ. Энэ жил долоо дахь удаагаа болсон уг арга хэмжээ төсөөлж байгаагүй замбараагүй болсон аж. Үзэгч залуусын тав тух, сэтгэл ханамжийн талаар огтхон ч санаа тавиагүй нь цагаан хувцсаар цэмцийтэл гоёж очсон залуусын уур бухимдлыг баржээ.
Гэрэл зурагчин Г.Ган-Өлзий өнгөрсөн нэгдүгээр сард Монгол орны 21 аймгаар тойрон аялсан гайхамшигт байгаль, аж амьдралыг гэрэл зургийн хальснаа мөнхөлсөн “Хөх тэнгэрийн орноор” гэрэл зургийн үзэсгэлэнгээ дэлгэж байсан билээ. Тэрбээр 2010 оны тавдугаар сарын 15-наас есдүгээр сарын 23-ны хооронд 21 аймгийн нутгаар аялан, 25 мянган км замыг туулсан аялалаа гэрэл зургийн хальснаа буулган энэхүү үзэсгэлэнгээ гаргаж байсан юм. Тэгвэл энэ удаад тэрбээр энэхүү аялалын турш буулгасан гэрэл зургуудаа цомог болгон олны хүртээл болголоо.
”Зүүн Азийн хүүхдийн урлагийн X их наадам” өнөөдөр Улаанбаатар хотноо эхлэх гэж байна. Тус наадмыг ЮНЕСКО-гийн Монголын үндэсний комисс, Хүүхдийн Төлөө Үндэсний газар, Олон улсын хүүхдийн “Найрамдал” төв хамтран зохион байгуулж байгаа юм. Наадамд Монгол, Хятад, Япон, Солонгос улсын төлөөлөгч хүүхдүүд, гишүүн орнуудын ЮНЕСКО-ийн нарийн бичгийн дарга нар нийт 350 төлөөлөгч оролцох бөгөөд наадамд оролцох хүүхдүүд өнөөдөр ирж байгаа юм.
