Их Британийн нэрт дуучин, жүжигчин Робби Уильямсийн жирэмсэн эхнэр Айда Филд нөхрийнхөө нэгэн шинэ клипний зураг авалтыг сонирхохоор Лондонд иржээ. Тэрбээр Америкаас Лос-Анжелесийн нислэгээр нөхөртөө гэнэтийн бэлэг барихаар ийнхүү Лондонд ирээд байгаа аж. Өдгөө 33 настай Айда Филд Америкийн телевизийн од бөгөөд түүний эцэг нь Турк, ээж нь Америк хүн гэнэ. Энгийн хар майк, өмд өмссөн Айда Лондоны “Spitalfields Market”-д болж байгаа нөхөр Роббигийн нэгэн шинэ дууны клипний зураг авалтыг их л сонирхон харж суужээ. Эмч нар түүнд удахгүй хорвоод мэндлэх үр нь охин хүүхэд хэмээн хэлсэн гэнэ. Дэлхийн хөгжмийн ертөнц болоод кино урлагт өөрийн байр суурийг аль хэдийнэ эзэлсэн Робби эхнэр хүүхдээ “миний хайртай охид” хэмээн өхөөрддөг аж.
Ангилал: Нийгэм
Холливудын нэрт жүжигчин Ума Турман өнгөрсөн сарын 15-нд амаржиж, охинтой болсон билээ. Тэрбээр өчигдөр бяцхан охинтойгоо гадуур гарч яваад адтай зурагчдын дуранд өртжээ.
Хорвоод мэндлээд сар гаруйхан болж буй бяцхан охин Ума Турман болон түүний найз залууч Арпад Буссон нарын анхны хүүхд юм. Ума экс-нөхрөөсөө Маяа, Левон гэх хоёр хүүхэдтэй билээ. Охин Маяа нь 14 настай, хүү Левон нь 10 настай аж.
Өчигдөр орой “X Factor” шоунд нэгэн гайхалтай үйл явдал болжээ. Өдгөө дөнгөж 16хан настай Элатэд Элла Эндэрсон бүсгүйг дуулж эхлэхэд шоуны үзэгчид битгий хэл шүүгчид ангайж орхижээ. Түүнийг дуулж эхлэх үед үзэгчид суудлаасаа босон хүндэтгэл үзүүлсэн байна. Шүүгч Луис Вэлш “Эдгээр үг, хоолойны өнгө бүгд миний сэтгэлийг хөдөлгөж орхилоо. Чи бол туйлын гайхалтай” гэсэн бол дуучин N-Dubz “Чи бол яалт ч үгүй од” гэжээ. Mel B хэлэхдээ “Чиний энэ дуу миний бяцхан ертөнцөд асар их ухаарлыг хайрлалаа. Би чамайг дэмжмээр байна” гэсэн байна. Мөн түүний нүүр царай болоод биеийн галбир нь дуучин Аделийг санагдуулам аж. Дуу хоолой нь ч тэр Аделиас дутахааргүй гэдгийг барууны хэвлэлүүд бичжээ. Улмаар алдарт дуучин Аделийн өрсөлдөгч 16хан настай ч ширүүхэн тулалдахад бэлэн байгааг харлаа хэмээсэн байна.
Францын кино урлагийн од Жерар Депардье Парисын төв гудамжинд нэгэн залууг нударгалсныхаа төлөө шүүхэд дуудагдах болжээ. “Тэд зөрчилдөөд эхэлсэн, тэгээд дараа нь залуу Депардьег шүүхэд өгчихсөн” гэж нэгэн эх сурвалж өгүүлсэн байна. Депардьегийн машин Парисын төв гудамжинд нэгэн машинтай бага зэрэг шүргэлцэж орхижээ. Тэгмэгц Жерар уур бухимдлаа барьж дийлэлгүй шууд нударга далайсан гэнэ.
Депардье асуудлыг эв зүйгээр бус нударгын хүчээр шийдэх дуртай, тэгээд асуудал орох нь байнга нэгэн юм байна.
Холливудын намхан нуруутай эмэгтэй жүжигчдын тоонд багтах Эва Лонгориа шинэ киноныхоо зураг авалтыг дуусгачихаад өчигдөр гудамжаар явж байхдаа хэвлэлийнхний хараанд өртжээ.
157 см өндөр жүжигчин бүсгүй нэлээд өндөр өсгийтэй гутал өмссөн байв. Хэвлэлүүдэд бичсэнээр 18 см өндөр энэхүү гутал бяцхан Эваг ёстой л тэнгэрт хөөргөчихсөн байна. Тэрбээр байнга шахуу өндөр өсгийт өмсдөг ч ийм өндөртэй нь тун ховор юм.
“Цасан гоо ба анчин” кинонд тоглосон жүжигчин Кристиан Стюарт дараагийн цувралд нь тоглохгүй гэдгээ мэдэгджээ. Татгалзсан учир нь алдарт жүжигчин эмэгтэй тус киноны ерөнхий найруулагч Руберт Сандерстай янаг амрагийн холбоотой гэх мэдээлэл цацагдсанаас үүдэлтэй хэмээн тайлбарласан байна. Энэ дуулиан Кристиан Стюартыг найз залуу Роберт Паттенсоноос салгахад хүргээд байгаа юм.
Америкийн алдартай реалити шоуны од Ким Кардашьян Playboy сэтгүүлийн 2007 оны нэгэн дугаарт зургаа тавих гэж байсан нууцаа өөрийн Twitter-ээр зарлажээ. Тэрбээр энэ долоо хоногийн эхээр Twitter-ээр шүтэн бишрэгчидтэйгээ уулзах үеэрээ ийнхүү мэдээлсэн гэнэ. Өдгөө 31 настай үзэсгэлэнт бүсгүй уг сэтгүүлд зургаа тавихаар шийдэн, шалгаруулалтанд оролцох гэж байсан зургаа Twitter-тээ тавьсан аж. Тэрбээр энэхүү зурган дээрээ биеийхээ хэлбэрийг ил гаргасан улаан өнгийн дур булаам өмсгөл өмсөж, нүүр будалт хийлгэж байгаа нь энэ аж.
12 жилийн өмнө Брэд Питтэй гэрлэхдээ жүжигчин бүсгүй Лоуренс Стилийн даруухан хэрнээ загварлаг хуримын даашинз өмсөж байжээ.
Тэр цагаас хойш “Марли бид хоёр”, “Найзууд” зэрэг кинонд тоглохдоо өмсснийг эс тооцвол Женнифер амьдралдаа ахин хуримын даашинз өмссөнгүй.
Харин одоо 43 настай Женнифер Энистон 41 настай Жастин Терутай гэрлэхээр болж хуримын даашинзны асуудал хурцаар тавигдаж эхэлсэн байна.
Уржигдар Америкийн жүжигчин, продюссер бага Роберт Жон Дауни “Iron Man 3” киноны зураг авалтын үеэр бэртжээ. Тэрбээр шагайндаа гэмтэл авсан бөгөөд түүний гэмтсэн шагайг зүгээр болтол Уилмингтон хотод хийгдэж буй киноны зураг авалтыг түр зогсоосон байна.
Харин өдгөө 47 настай жүжигчин маань өөрийгөө үнэхээр “төмөр хүн” гэж итгэсэн бололтой бэртэлээ үл тоон зураг авалтаа үргэлжлүүлэхийг хүссэн гэнэ. Гэхдээ “Marvel Studios” албан ёсоор түүний бэртэлийг бүрэн эдгэртэл киноны зураг авалтыг түх зогсоолоо хэмээн мэдэгдсэн байна. “Iron Man 3” киноны зураг авалтыг өнгөрсөн зургадугаар сараас хойш Хойд Каролинад авч байгаа бөгөөд найруулагчаар нь Шейн Блэк ажиллаж байгаа аж.
Хүүхэлдэйн театраас дунд сургуулийн бага ангийнхан болон цэцэрлэгийн ахлах бүл гийнхний дунд үлгэрийн сэдэвтэй жүжгийн уралдаан зарлаж байна.
Бяцхан үзэгчдийг театрын урлагт дуртай болгон хүмүүжүүлэх зорилготой уг арга хэмжээг оны сүүлчээр дүгнэж, шилдгээр шалгарсан хүүхдүүд, анги хамт олныг оролцуулан шинэ жилийн үеэр үлгэрийн наадам, багтай шоу зохион байгуулах аж. Хүүхэлдэйн театрын хамт олон өнгөрсөн жил “Ах, дүү Гриммийн үлгэрүүд”- ийг онцолсон бол энэ жил монгол ардын үлгэр, домгийг уран бүтээлдээ шигтгэх аж.