Дуучин, жүжигчин Женнифер Лопезийн гол дүрийг бүтээсэн “The Boy Next Door” кино нээлтээ хийгээд ганцхан өдрийн дотор 15 мянган ам.долларын ашиг олсон тухай “www.dailymail.co.uk” мэдээллээ. Энэ кино АНУ-ын бүх кино театрт гарч байгаа бөгөөд ирэх долоо хоногоос Ази болон Европын зарим орнуудаар гаргахаар төлөвлөжээ.
Ангилал: Нийгэм
Монголын сайтын холбооны нэгдсэн II чуулган яг одоо болж байна. Хуралдаанаар Монголын сайтын холбооны Хяналтын зөвлөл тайланг хэлэлцэх бөгөөд дүрмийн төслийг танилцуулна. Үүний дараагаар Монголын сайтын холбооны төлөөлөн удирдах зөвлөлийн гишүүд, Ерөнхийлөгч, Тэргүүн дэд Ерөнхийлөгч, Дэд Ерөнхийлөгчийг сонгох байгаа.
Энэ сарын 31-нд 17:00 цагт УДБЭТ-ын тайзнаа Ж.Пуччинийн хөгжим, Л.Иллизи, Дж.Джакоза нарын цомнол “Богема” дуурь тавигдах гэж байна. Анх 2004 оны тавдугаар сарын 7-нд ДБЭТ-ын тайзнаа амилсан энэхүү дуурийн удирдаачаар УГЗ Н.Туулайхүү, найруулагчаар Ерөнхийлөгчийн нэрэмжит шагналт СТА Г.Эрдэнэбаатар, зураачаар СТА Г.Ганбаатар нар ажиллажээ
УДБЭТ 2015 оны нэгдүгээр сарын 24, 25-ны өдрүүдэд вальс хөгжмийн хаан гэгддэг Австрийн алдарт хөгжмийн зохиолч И.Штраусын 15 хөгжмийн бүтээлүүдийг нэгтгэсэн “Оргилуун дарс” нэртэй шинэ балетыг дэглэн тоглуулж байна. “Оргилуун дарс” балет нь нэгэн үзэсгэлэнт бүсгүйн сэтгэлд ургасан төсөөлөл, түүний баяр баяслаар дамжуулан залуу хүний дотоод ертөнц, амьдралын сайхан талыг орчин үеийн сонгодог бүжиг болон вальс бүжгийн гайхамшигт хослолоор харуулахыг зорьж буйгаараа онцлог юм.
Аялгуут дуугаараа хөглөгдөж байдаг дуунд дуртай монголчууддаа зориулан “MNC” телевизээс “Энх мэндийн хадаг” нийтийн дуучдын хамтарсан теле концертыг зохион байгуулж байгаа билээ. Уг тоглолт нийтийн дууны үе үеийн төлөөлөгч нар нэгэн дээвэр дор хуран чуулж байгаагаараа онцлог юм.
Монгол улсын филармонийн хэрэгжүүлж буй “Монгол уран бүтээл” төслийн цуврал тоглолтууд үргэлжилсээр байна. Монголын орчин цагийн хөгжмийн тулгын чулууг тавилцаж ард түмнийхээ урлан ургуулах их авьяас билгээр бүтсэн олон зууны хөгжмийн хөгжлийн уламжлалыг өрнө дахины соёл иргэншлийн гол ололт болсон “сонгомол” хөгжмийн дэвшилтэй холбож монголын хөгжмийн урлагийн түүхэнд шинэ хуудас нээсэн Л.Мөрдорж, Б.Дамдинсүрэн, С.Гончигсумлаа, Э.Чойдог, Ж.Чулуун, Ц.Намсрайжав зэрэг хөгжмийн зүтгэлтнүүдийн Симфони найрал хөгжимд зориулан бүтээсэн шилдэг бүтээлийн дээжээс толилуулах “Сонгодог хөгжмийн концерт” улсын филармоний концертийн танхимд 01-р сарын 29-ний 19.00 цагт болно.
Хошин урлагийн “Шинэ үе” продакшин Хөх хотод аялан тоглолтоо хийж явсан. Шинэ үе продакшн ослын талаар албан ёсны мэдэгдэл хийлээ. Тодруулбал, 2015 оны энэ сарын 23-ны өглөө ӨМӨЗО-ны Зүүн үзэмчин хошуунаас Хайлаар хот руу нисэхээр онгоцны буудал руу “Шинэ үе” продакшиний жүжигчид суудлын гурван автомашинд хуваагдаж суужээ. Арын машинд сууж явсан жүжигчин Т.Билгүүн, Р.Алтансүх, А.Энхжин нар хамтдаа нэг машинд сууж явсан байна. Гэтэл тэдний сууж явсан машины хажуугаас хүнд даацын чингэлэг ачсан машин хүчтэй мөргөж осол гарчээ.
Монголын Сайтын Холбооны дээд шагнал “WWW” одонг өдгөөгөөс 2 жилийн өмнө Монгол улсын анхны Ерөнхийлөгч П.Очирбат хүртэж байсан юм. Харин өнөөдөр энэ хүндтэй шагналыг авах 2 дахь хүн тодорсон байна. Энэ хүн бол Монголын Сайтын Холбоог 2009 онд анх үүсгэн байгуулагч, тус холбооны анхны Тэргүүн, www.zaluu.com сайтыг үүсгэн байгуулагч Д.Дэлгэрмөрөн аж. “WWW” одон нь 1 сая төгрөгний өртөг бүхий гар аргаар ганцхан хувь цохиж дархалдаг жинхэнэ дархны ур шингэсэн бүтээл байдаг бөгөөд энэ одонг МОСАХ-ны Ерөнхийлөгчийн тушаалтайгаар зөвхөн шагналын эзэнд зориулан захиалж хийлгэдэг байна.
Хүний амьдрал сайхан сэтгэл, хайр, итгэл найдвар дээр тогтож байдаг ажгуу.
Монголчууд бид өвдөж шаналсан нэгэндээ халуун сэтгэл, тусламжийн гараа сунгаж амьдрал бэлэглэсээр ирсэн сайхан сэтгэлт ард түмэн билээ.
Аав ээжийн алаг үр болж ертөнцөд мэндлээд аймшигт өвчинтэй бяцхан зориг зүрхээрээ тэмцэж буй нэгэн “Гэрэлт зүрх”-эд туслах аянд Өглөө.мн сайтын хамт олон нэгдэж байна.
Дуунд дуртай дуучин монгол түмэнтэйгээ 40-н жилийн турш “Вансэмбэрүү”, ”Бид мартахгүй″, ”Ханьсах заяа”, “Ханийн жаргал” зэрэг олон сайхан уянгат хайрын дуу хуураараа хөглөгдөж яваа Зууны манлай хос дуучид болох Монгол улсын гавъяат жүжигчин С.Вандан, Д.Дуламсүрэн нарын “Мартагдахгүй юмсан” тоглолт өчигдөр эрийн хийморь мандаасан Монгол бөхийн өргөөнөө хүндлэл дүүрэн болж өнгөрлөө.