Ангилал: Уртын дуу

Холливудын жүжигчин Роберт Паттинсон Нью-Йорк хотод болсон “Космополис” киноны нээлтэд оролцохоор очсон гэнэ.

Найз бүсгүй Кристин Стюарт нь түүнийг мэхэлснээс хойш олны өмнө ердөө гараагүй байсан тэрбээр инээмсэглэл дүүрэн байсан аж. “Космополис” кинонд жүжигчин залуу эхнэрээ хуураад ямар ч хөрөнгөгүй болсон тэрбумтны дүрийг бүтээсэн юм.

Киноны нээлтийн үеэр сэтгүүлчид түүнээс ярилцлага авч байсан ч Роберт хувийнхаа амьдралын талаар нэг ч үг хэлээгүй байна. Gucci фирмийн костюмээр гоёсон залуу их л өнгөлөг, цоглог харагдаж байсан аж.

Өдгөө 43 настай жүжигчин Женифер Энистон, найз залуу найруулагч Жастин Тератайгаа гэрлэхээр шийджээ. Хосууд 2011 оноос эхлэн болзож эхэлсэн бөгөөд түүний нөхөр болох найруулагч Жастин Тера нь 41 настай ажээ. Ж.Энистон нь Холливүүдийн алдарт гэр бүл хэмээх нэрийг 2000-2005 оны хооронд Брэд Питтэй гэр бүл байхдаа хүртэж байсан юм. Харин Ж.Тера нь анх удаагаа гэрлэх гэж байгаа гэнэ.

“Forbes” сэтгүүлээс саяхан хамгийн их орлого олсон оддын гэр бүлийн жагсаалтыг гаргасан байна. Дуучин Бейонсе нөхрийнхээ хамт 78 сая ам.долларын орлоготойгоор жагсаалтыг тэргүүлсэн аж. Гэхдээ Бейонсе нөхрөөсөө хоёр саяыг илүү олжээ.

Америк хөлбөмбөгчин Том Брэди эхнэр супермодель Жизель Бундхен нар 72 сая ам.долларын орлогоор жагсаалтыг удаалсан гэнэ. Хөлбөмбөгчин Дэвид Бекхэм, эхнэр Виктория Бекхэмийн хамт 54 сая ам.долларын орлоготойгоор жагсаалтын гуравдугаарт бичигдлээ.

Рок-н- роллийн хаан Элвис Преслийн гитар АНУ-ын Тенниси мужийн Мемфис хотын “Heritage Auctions” дуудлага худалдааны төвд 18,5 мянган ам.долларын үнэ хүрсэн талаар ВВС мэдээлэв.

Элвис Преслийн өөрөө эдэлж хэрэглэж байсан болон найз нөхдийнх нийлсэн 300 гаруй эд зүйлсийг мягмар гарагт үнэ хаялцуулсан байна. Дуучны зүүж байсан бриллиантан шигтгээтэй бөгж 12,5 мянга, жижиг гар буу 13,7 мянган ам.доллараар зарагдсан аж. Дуудлага худалдаанд зааланд ирсэн хүмүүсээс гадна зарим хүмүүс интернэт, утсаар ярьж оролцсон юм.

Их Британийн гүнж Кэти Мидлтоны үеэл Катрина Дарлинг бол Сандерлэнд хотын баарны секси бүжигчин аж. Тэрбээр өөрийгөө хаан угсааны гишүүн болсон гэдэгт ач холбогдол өгдөггүй. Түүний ажил Кэти Мидлтоны чихийг халууцуулдаг ч орчин цагт, тэр дундаа ардчилсан улсад хувь хүний амьдралыг бусад нь шийддэг ёс гэж хаана байх билээ

Хэрэв Лэди Гага өчигдөр амьтны эрхийг хамгаалагчидтай таарсан бол үнэтэй шуба руугаа будаг цацуулах нь гарцаагүй байжээ. Топ модель, хөрөнгө чинээтэй эмэгтэйчүүд булган шуба руугаа будаг цацуулж байсан олон тохиолдол байдаг.

Энэ сарын 30-наас Монголд Хятадын соёлын сарын ажиллагаа эхлэх гэж байна. БСШУЯ болон БНХАУ-ын Соёлын яам хамтран “Хятадын соёлын сар” арга хэмжээг манай улсад ийнхүү зохион байгуулах юмб айна. Тус арга хэмжээ нь энэ сарын 30-нд циркийн тоглолтоор нээлтээ хийх аж. Мөн “Кино долоо хоног” хөтөлбөрийг хэрэгжүүлж, Хятадын алдартай кинонуудыг Соёлын төв өргөөнд гаргахаар болжээ. Харин ирэх сарын 1-ний өдөр үзэгчдэд Хятадын бүх оддын тоглолтыг толилуулахаар зэхсэн байна.

Засгийн газрын хэрэгжүүлэгч агентлаг Соёл, урлагийн хорооноос өнөөдөр 15.00 цагаас дараах сэдвээр хэвлэлийн хурал зохион байгуулж мэдээлэл өгнө.

Үүнд:

1.“Музейн улсын тооллого орон даяар эхэллээ”, 2012 оны ээлжит тооллогын ажлын онцлог

2. Хөдөөгийн хүн амын соёлын үйлчилгээний чанарыг дээшлүүлэх, сумын соёлын төвийн материаллаг бааз, үйл ажиллагааны чадавхийг сайжруулах зорилгоор сумын соёлын төвүүдийн дунд 2011-2012 онд Улсын хэмжээнд зарласан “Соёлын төв чанартай үйлчилгээ-3” болзолт уралдааныг дүгнэх тухай

3.“БНХАУ-ын Соёлын өдрүүд”-ээр зохион байгуулагдах соёлын арга хэмжээнүүдийн тухай тус тус мэдээлнэ.

Залуус жилдээ ганцхан удаа цав цагаанаар гоёдог “Silence white” шоу эхлэхэд ердөө л дөрөв хоног үлдлээ. Долоо дахь жилдээ болох гэж буй “Silence white-2012” шоу энэ жил “Эх дэлхийгээ хайрлая” уриан дор наймдугаар сарын 17-нд буюу ирэх баасан гаригт уламжлал ёсоор “Мишээл экспо” төвд болох юм. “Mongol Mix Project”-ын “Silence White” шоунд электро, транс хөгжмийг Монголын шилдэг DJ нар мэдрүүлэн, нэг үдшийг бут авах нь ээ. Харин залуус хэдийнэ бэлтгэлээ хангаж, цав цагаан гоёлоо зэхчихсэн, хоног тоолон хүлээж суугаа гэнэ. Жилдээ л нэг удаа болдог хэдий ч 3000 гаруй залуусыг нэгтгэн оройн 21.00 цагаас 04.00 хүртэл үргэлжилдэг цагаан шоунд урлаг соёлын одод, их хотын залуусын хамт нэгэн үдшийг доргио өнгөрүүлдэг билээ.

Дэлхийд алдартай одод шилдэг зочид буудлуудаар буудаллах нь хэвийн үзэгдэл билээ. Харин алдартнууд маань эдгээр зочид буудлуудын дотоод дүрэм журмыг зөрчиж, эвгүй ааш, үйлдэл гаргасныхаа төлөө тэдгээр зочид буудлуудаар үйлчлүүлэх эрхээ хасуулдаг байна.

Ингээд танд зочид буудлуудаар зочлох эрхээ хураалгаж байсан алдартнуудын талаар сонирхуулъя.