Монголын рок попын урлагт гурван өөр дүр төрхөөрөө цахиур хагалан, залуусын зүрх сэтгэлийг эзэмдсэн “Киви” хамтлагийнхан ярих зүйл ихтэй бүсгүйчүүд. Учир нь, царайлаг бас нуруулаг гурван охиноо харамласан продюссер, ая зохиогч Б.Ангирмаа хамаг бүхний гол сэдэв болдог учраас тэр.
“Би энэ гурвыг хамгаалж, элдэв залуусыг ойртуулахгүй гэхдээ гэрийнх нь гадаа буу бариад манах нь холгүй хонодог” гэж хэвлэлийнхэнд тайлбарласан эрхэм хатагтай “Төмөр хатагтай” нэр зүүгээд авсан удаатай.
Улстөрчдийг шүүмжлэн, хатуу үгээр хайр найргүй чичлэх дуртай реппер залуу хэлсэн үг, хийсэн алхмаасаа хэзээ ч ичдэггүй, шударга нь дэндсэн гэмээр илэн далангүй зантай. Тиймдээ ч мань эр хип хоп маягийн гоёлоо “Монгол бараа”-наас авдаг болохоор нуугаагүй бөгөөд элдэв бичиг, загварыг нь тоолгүй, зүгээр л өөрт таалагдсан өнгөтэй хувцаснаас хамгийн том хэмжээтэйг сонгодог гэсэн.
Насны зөрүүтэйгээ багагүй дуудуулж, нар болсон охиноо төрүүлснээр дуулианаас холдсон жүжигчин хосуудын хуримын зар тарж эхэлжээ. Хошин урлагийн халуухан хос болох жүжигчин Т.Бархүү, МУГЖ И.Одончимэг нарын хурим ирэх сард болох гэж байна.
Үеийн эрчүүдийн харцыг унагаж явдаг сүйт бүсгүйн хуримын даашинзыг “Шилмэл загвар”-ын динайзнерууд урлаж байгаа гэнэ. Түүнчлэн удахгүй болох хуримынхаа дараа хосууд шинэ хауст орохоор зэхэж байгаа сурагтай.
Тодруулбал, тэрээр Увс аймгийн 15-р тойрогт 2012 оны УИХ-ын сонгуульд Монгол Ардын Хувьсгалт Намаас нэрээ дэвшүүлсэн боловч нутгийн зон олон МАН-ын гишүүн Ч.Хүрэлбаатар, Б.Чойжилсүрэн нарт санал өгч, сонгосон явдалд тэрээр маш их гомдсон тухайгаа ойр дотны нөхөддөө хуучилж яваа сурагтай.
Тиймээс өнгөрсөн сонгуулийн дараагаас эхлэн өөрийн төрж, өссөн Увс нутгаа орхин, эхнэр Г.Эрдэнэчимэгийнхээ нутаг Архангай аймаг руу “буурь сэлгэж”, суурьшиж эхэлжээ.
Эх сурвалжийн хэлж буйгаар дуучин С.Жавхлан ирэх 2016 оны УИХ-ын сонгуульд Архангай аймагт нэр дэвшихээр болжээ. Тиймээс одооноос эхлэн ирэх сонгуулийн PR-аа хийж байгаа гэнэ.
Дуучин О.Анхбаяр, Б.Халиун нарыг Монголын урлагийн сайхан хосуудын нэг гэдэгтэй маргах хүн үгүй. “Киви”-гийн гоо охидоос хамгийн сайхныг нь “сугалж”, эхнэрээ болгон урвуулсан дуучин Анхаа гэргийгээ хайр, халамжаар дутаадаггүй гэлцдэг. Тэрбээр сайхан гэргийдээ цаг үргэлж гэнэтийн бэлэг барих тухай боддог гэнэ.
Хамгийн сүүлд л гэхэд дуучин залуу гэргийдээ 2012 оны цоо шинэ загварын Ниссан Жуке маркийн машин бэлэглэжээ. Тэрбээр энэ машиныг Японд явж байхдаа сонирхож, үнийг нь судалсан аж. Тиймээс баяр наадмын өмнө хүслээ гүйцээж, үзэсгэлэнт гэргийдээ цоо шинэ машины түлхүүр атгуулсан байна.
Жүжигчин И.Одончимэг өнөр өтгөн гэр бүлтэй болсон. Шуугиантай болох тэдний хурим ирэх сард болно. Хуримын үеэр жүжигчин бүсгүй хуримын цаагаан даашинзаар гоёх бол ээлжит гэнэтийн бэлгээ Бархүүгээс авчээ. Тэрээр эхнэрээ нярайлах үед нь хагас тэрбум төгрөгийн үнэтэй хаус захиалсан бөгөөд хуримын дараа шинэ хаустаа орохоор завгүй байгаа гэнэ. Харин хуримын даашинзыг “Шилмэл загвар”-ын динайзнерууд урлаж байгаа аж.
Дэлхийн мисс 2012 тэмцээнд оролцож байгаа Х.Баярмаа багаасаа урлагийн гэр бүлд өссөн учир сонгосон мэргэжилдээ хайртай гэнэ. Сайхан аав, ээжийн хайранд өссөн тэрээр өөрийгөө хамгийн азтай охин гэж боддог аж. Тэрээр ээж, аавынхаа байгуулсан “Шилдэг өнгө” продакшныг өргөжүүлэн театр байгуулах мөрөөдөлтэй аж. Мөн жүжигчний мэргэжлээ хэзээ ч орхихгүй бөгөөд Монголын анхны Холливудын жүжигчин болохыг хүсдэг гэнэ. Одоогоор тэмцээний сүүлийн шатанд бэлдээд завгүй байгаа мисс бүсгүй зав, зайгаар нь гэрийнхэнтэйгээ холбоо барьж урмын үгээр цэнэглэгддэг аж.
Жүжигчин Г.Золбоотын эхнэр н.Мөнхтуяа гэх эмэгтэй Дундговь аймгийн музейгээс ХIII зууны үеийн баатрын хөө хуягийг аваад “алга болгочихсон” гээд эргүүлж өгөлгүй зургаан жил болжээ.
Анх 2006 онд ХVIII зууны үеийн доторгүй хоёр дээл болон XIII-XVIII зууны үеийн баатрын бусад эдлэл хэрэглэлийг авсан бөгөөд дээрхи түүхэн эд өлгийн зүйлс алга болсныг 2007 онд музейн тооллогоор мэдсэн ажээ. Ингээд эргүүлэн авах гэтэл н.Мөнхтуяа хэнэгч үгүй алга болгочихсон гээд буцааж өгөөгүй нэг ёсондоо голруулчихсан байна.
“Хар санаа ба хайр сэтгэл”, “Надад өгөөгүй хайр”, “Зүүдний үргэлжлэл” зэрэг кино, жүжгийн дуугаараа олонд танигдсан залуу уран бүтээлч Ц.Хулан бие даасан хоёр дахь жааз дууны цомгоо гаргахаар бэлтгэж буй аж. 2005 онд “My World” нэртэй анхны цомгоо гаргаснаас хойш тэрбээр хэсэг хугацаанд нам гүм байсан билээ.
Харин өдгөө “My World-2” нэртэй түүний хоёр дахь цомгийн ажил нь 40 хувьтай явж байгаа төдийгүй ирэх аравдугаар сард сонсогчдын хүртээл болох гэнэ. Үүнээс гадна дуучин бүсгүй монгол дуунуудаа ч цомог болгохоор зорьж, хүмүүсийн сонсох дуртай кино, жүжгийн бүтээлүүдийг багтаах ажээ.
АНУ-д амьдарч байгаа дуучин Э.Минжинсор олимпийн баяраа тэмдэглэж байна. Тэрээр монголын тамирчид олимпийн наадамд таван медаль хүртсэнд баярлаж байгаа бөгөөд найз нөхөд, элэг нэгтнүүдтэйгээ баярлаж, эх орноороо бахархаж байгаа аж.
