Монголын рок попын урлагт гурван өөр дүр төрхөөрөө цахиур хагалан, залуусын зүрх сэтгэлийг эзэмдсэн “Киви” хамтлагийнхан ярих зүйл ихтэй бүсгүйчүүд. Учир нь, царайлаг бас нуруулаг гурван охиноо харамласан продюссер, ая зохиогч Б.Ангирмаа хамаг бүхний гол сэдэв болдог учраас тэр.
“Би энэ гурвыг хамгаалж, элдэв залуусыг ойртуулахгүй гэхдээ гэрийнх нь гадаа буу бариад манах нь холгүй хонодог” гэж хэвлэлийнхэнд тайлбарласан эрхэм хатагтай “Төмөр хатагтай” нэр зүүгээд авсан удаатай. Харин тус хамтлагийг нэрд гарахад багагүй үүрэг гүйцэтгэсэн Б.Наранзун хүртэл гурван бүсгүйтэй нь ойр дотно ажиллах гээд чадаагүй болохоо сэтгүүлчдэд ам алдсан. “Танай хамтлагийг Рагу хоолойн чадал муутай, зүгээр л өнгө, мөнгөөр цохиж гарч ирсэн гэж дүгнэсэн байна лээ. Харин та Наранзунтай ямар холбоотой байдаг вэ” гэж асуухад Б.Ангирмаа “Тэр гадаад эрийн ямар дүгнэлт гаргах надад хамаагүй.
Өмнөх ажлаа өөрийнхөөрөө хийгээд явж байвал барав. Харин бид Наранзунтай нэлээд ойр дотно ажиллаж байлаа. Одоо хүртэл биднийг дэмжээд л явж байна” гэж уцаарлажээ. Тэгвэл хатуу зантай продюссер эмэгтэй гурван охиноо дуу хуураас өөр зүйлд анхаарал хандуулахгүй, бүр микрофоноос өөр зүгт харц унагахгүй байх үүрэг даалгавар өгсөн учраас Б.Наранзун “Анхаарлыг нь татах гэж яаж ч хичээгээд нэмэргүй юм билээ” гэж ярьсан нь өдгөө ч рок попынхны дунд яригдсаар байгаа аж.
Р.Есүй
