Өчигдөр 2013 оны 9 сарын 5-нд нээлтээ хийсэн “Шогшоо Аялал" нэртэй эртний Монголын сүм хийдийн этүдний үзэсгэлэн “Blue Moon” арт галлерэйд үргэлжилж байна. Уг үзэсгэлэнг “Blue Moon” арт галлерэй болон “Шогшоо ” арт групп хамтран зохион байгуулсан бөгөөд өнгөрсөн долоо хоногт маршрут гарган тус маршрутаар зураачид аялан сүм хийдүүдийг зурсан юм.
Манчирийн хийд, Богд хааны ордон музей, Чойжин ламын музей гэх зэрэг түүхэн дурсгалт газруудаар энэ удаагийн аялалаа хийсэн юм. Уг үзэсгэлэнд нийт 15 уран бүтээлчийн 60 орчим бүтээл тавигдсан бөгөөд өөр өөр уран бүтээлчдийн өөр өөр арга техник ур чадварыг харуулсан сонирхолтой үзэсгэлэн болсон юм. Цаашдаа жил бүр монголын сүм хийдийн этүдний аянг уламжлал болгон зохион байгуулж “Blue Moon” арт галлерэйн танхимд албан ёсоор урлагт хайртай та бүхний өмнө дэлгэж байх юм.
Энэ удаагийн үзэсгэлэн нь Монголд анх удаа эртний сүм хийдүүдээр уран бүтээлчид этүд хийж хамтарч оролцож байгаагаараа онцлог юм. Уг аяны гол зорилго нь Монголын эртний уламжлалт барилга байгууламж, архитектур тэдгээрийн уран нарийн хийцийг олон нийтэд лүрслэн хүргэх мөн гоо сайхны мэдрэмжийг дээшлүүлэхэд чиглэсэн юм.
Энэ удаагийн үзэсгэлэнд маань залуу уран бүтээлчид түлхүү идэвхитэй оролцсон юм. “Шогшоо аялал” үзэсгэлэн 9 сарын 5-13-ийг дуустал “Blue Moon” арт галлерэйд үзэгчдийн хүртээл болно.
www.URLAG.mn
