Монголын хөгжмийн ертөнцөд гранж, пост гранж, альтернатив чиглэлээр уран бүтээлээ туурвидаг “Нисванис” хамтлаг энэ жил 17 жилийн ойтойгоо золгож байгаа билээ.
“Нисванис” хамтлаг 1996 оны дөрөвдүгээр сарын 9-нд байгуулагдсан билээ. Энэхүү хамтлаг нь жил бүр хамтлаг байгуулагдсан өдрөөрөө болон өвөл, зуны улиралд тоглолт хийж, Coke"n Beat, Playtime зэрэг наадмуудад оролцон ая дуугаа өргөдөг уламжлалтай. Тэд энэ жил ч хамтлаг байгуулагдсан өдрөөрөө буюу өнгөрөгч сарын 9-нд “Nisnis fest-2013” тоглолтоо UВ palace-ын Рояал танхимд хийсэн юм.
Монголын гранж рокеруудын загалмайлсан эцэг хамтлаг гэгддэг Нисванис” хамтлагийн урын санд хурц хэллэг, түргэн хэмнэлтэй дуунууд олон. Тэдний “Хүчилтөрөгч”, “Нисдэг таваг”, “Саарал үе” цомог өөр өөрсдийн онцлогтой байсан.
Тэд тун удахгүй дөрөв дэх цомгоо гаргахаар зэхэж байна. Цомгийнхоо дуунуудаа бичүүлж дуусч байгаа бөгөөд хоёр дуу дутуу байгаа аж. 12 дуутай шинэ цомогт нь тэр бүр хөндөөд байдаггүй сэдэвтэй дуунууд орсон байна.
www.URLAG.mn
