Монголын хошин урлагийн шидгийн шилдэг нь хэмээн өргөмжлөгдөж үзэгчдийг байлдан дагуулсаар байгаа “Х-Түц” продакшны намар цагийн анхны цоо шинэ хошин шоу, энтертаймент тоглолт өнөөдөр нээлтээ хийж үзэгчдэд хүрнэ. Цаг үргэлж шинийг эрэлхийлж, шинээр сэтгэж, үзэгчдэд хошин урлагийн гайхимшгийг мэдрүүлж байдаг тус хамтлагийн “Нэг өдрийн хаан” шоу тоглолт хэдийнэ үзэгчдэд хүлээлт үүсгээд байсан билээ.
Үнэхээр бусдаас илүү онцгой, илүү сонирхолтой байж чаддаг “Х-Түц” продакшны цоо шинэ хошин шоу, энтертаймент тоглолт өнөөдрөөс эхлэн өдөр бүр 19:00 цагаас "Соёлын төв өргөө"-ний тайзнаа тоглогдох юм.
Сонирхуулахад: "Х ТҮЦ" продакшны эрхэм уран бүтээлчид нь цаг ямагт нийгмийн хариуцлагаа дээдлэж бүтээлээ туурвидаг бөгөөд энэ удаагийн тоглолтоороо ч мөн адил "Замын цагдаагийн газар", "Майнд Вайд агентлаг"-тай хамтран “Хайртай хүнийхээ төлөө хамгаалах бүсээ бүслэ" хэмээх арга хэмжээг зохион байгуулж байгаа аж. Энэхүү арга хэмжээ нь өнөөдрөөс эхэлж байгаа юм. Учир нь "Нэг өдрийн хаан" тоглолт нь орой 19.00 цагаас нээлтээ хийж үзэгчдэд хүрэх бөгөөд тэдний тоглолтын тасалбар бүр нь жолооч нарт ухаарал хайрласан үнэтэй зөвлөгөөнүүдтэйгээр хэвлэгдсэн ажээ.
www.URLAG.mn
