“Содон аялгуу”-г чимсэн “Содон хөвгүүд”-ийн хамтлаг

Өнгөрсөн сарын 27,28,29-нд буюу гурван өдрийн турш үзэгчдээр дүүрэн тоглолт болж өндөрлөсөн. Энэ бол Хөгжмийн зохиолч Чулуунбатын “Содон Аялгуу” тоглолт юм. Уг тоглолтонд Монголын рок попын томоохон уран бүтээлчид хүрэлцэн ирж, ая дуугаа өргөн фенүүдээ баярлуулсан билээ.

Тоглолтонд оролцсон хамтлагуудаас  үзэгчид  “Камертон”, “Фрийзон” хамтлагийг тэсэн ядан хүлээж байсан нь харагдсан юм.

“Камертон” хамтлагийн хувьд анхны ведио клипээ монголын хүүхэд бүрийн мэддэг “Маамуу нааш ир” дууг хөгжимгүйгээр дуулж дараа нь 18 нас цомгийнхоо 18 нас дуугаа олны хүртээл болгож байсан.  Тэд урлагийн гараагаа ийн эхлүүлж байсан бол өдгөө монголын хамгийн олон үнэнч шүтэн бишрэгчидтэй хамтлагийг тэргүүлдэг.

Түүнчлэн “Фрийзон” хамтлаг нь  Хөгжим бүжгийн коллежид сурч  Бэкэ, Төрөө, Хосоо, Заяа нар суралцаж байхдаа  өөрсдийн сонирхлоороо хамтлагаа байгуулж байсан.  Тус хамтлаг  залуусыг “Зүүдний дагина”, “Чамдаа өгсөн хайр”, “Мөрөөдлийн хатан”, “Од” гэсэн дуугаар сонсогч фенүүдэдээ байлдан дагуулж байлаа.

Тэд бас монголын рок попынхон дундаа шилдэг нь гэдгээ дахин харуулж, үзэгчид  ч тэднийг  дуулаад дуусахад нь ахин дахин алга ташсаар тайзнаас буулгахыг хүсэлгүй дуулуулсаар байсан юм. Ийн урлагийн тогоонд од болон гялалзаж яваа тус хоёр хөвгүүдийн хамтлаг “Содон аялгуу” үдшийг “Содон өнгө” аясаараа чимсэн “Содон үдэш” болж өндөрлөлөө.

www.URLAG.mn