Хорьдугаар зууны хамгийн аугаа Титаник хөлөг онгоцыг живж байхад хөгжмийн уянгалаг эгшгээр зорчигчдыг тайтгаруулж байсан хамтлагийн ахлагчийн хийл хөгжмийн дуудлага худалдаагаар оруулжээ.
Өнгөрсөн зууны эхээр буюу 1912 онд үл живэх нүсэр том хөлөг онгоц живж тавцан дээр нь явсан 1500 гаруй зорчигч болон найман гишүүнтэй хамтлагийн ахлагч Уоллос Хартли уг хөгжмийг хэрэглэдэг байсан байна. Баруун өмнөд Английн Девизест утсаар зохион байгуулсан дуудлага худалдаа 10-аад минут маш хүчтэй өрнөж уг алдарт хийлийг 1.5 сая ам.доллараар худалдсан байна. Одоогоор хийлийг худалдаж авсан эрхмийн нэр болон бусад мэдээллийг нууцалж байгаа аж.
