Жүжигчин С.Тэмүүжингийн уран бүтээлч, жүжигчин болох үндэс нь Boomtown хамтлагтай салшгүй холбоотой. Тус хамтлагийн авьяаслаг залуус оюутан байхаасаа л хамтлагаараа тоглолтонд оролцож, сургуулиараа их бахархдаг болсон гэдэг. Өдгөө “Boomtown”-ы Тамираа драмын театр, Алдраа Маск продакшнд жүжигчин, Ган-Очир UBS телевизэд, Баяраа fantastic продакшинд гээд бүгд тус тусдаа ажиллаж байгаа. Тэмкагийн хувьд хошин урлагийн отгон хамтлаг "Эмоци" продакшнд харьяалагдах болсон. Тэмкагийн хувьд аав ээжийн эрх хүү байсан болохоор одоо ч зангаа тавихгүй хүү, охин хоёртойгоо зэрэгцэн гэргий Солонгоодоо эрхэлж суудаг нэгэн.
Д. Төвшинтөр буюу Төтө жүжигчний мэргэжлийг бүр багаасаа л мөрөөддөг байжээ. Улмаар 1997 онд СУИС-д хоёр удаа конкурс өгч байж орж байсан удаатай. Түүнийг найруулагч Ч.Найдандорж “Х Түц”-д хөл тавихад тусалж байсан гэдэг.
Одоо тэрбээр “Эмоци”-ийг үүсгэн байгуулсан билээ.
Төтөгийн ангийнхныг анх нэгдүгээр курсд орж байхад нь эрчүүдийг аав болохгүй эмэгтэйчүүдийг жирэмсэлж болохгүй гэсэн гэрээ хийж байжээ. Харин тэр гэрээг зөрчсөн хамгийн анхны хүн Төтө байсан учир эцэг Төтө нэр авч байсан аж.
“Х түц” хамтлагаас жүжигчний гараагаа эхлэсэн алаг нүдэн, өхөөрдөм төрхтэй Г.Нарансолонго наймдугаар ангиасаа эхлэн “Монголын хүүхдийн ордон”-ы драмын ангид суралцаж эхэлснээр урлагийн ертөнцөд хөл тавьсан байдаг.
Айлын том тэрбээр багадаа маш эрх дураараа мөн даруухан хүүхэд байсан гэдэг. Гэхдээ хүүхэд л болсон хойно дүрсгүйтэх үе байлгүй яахав.
Д.Ана
