Болд нэрээрээ голчлон дуудуулдаг Монголын эрэгтэй дуучин, жүжигчин, продюссер Доржсүрэнгийн Болд 1978 оны XI сарын 16-нд Улаанбаатар хотод айлын гурван хүүхдийн отгон нь болон төржээ.
Түүний эцэг нь архитектор, эх нь дуурийн дууч байв. Болдын өвөг эцэг (ээжийн аав) бол морин хуурч, ардын жүжигчин Жамьян1995 онд Болд ХБК-д цуг сурч байсан Эрдэнэбат, Мэнд-Амар, Ган-Эрдэнэ гуравтай нийлж Камертон хамтлагийг бүрдүүлж, ахлагч нь боллоо. 2005 оноос Болд гоцлон дуулах болов. Түүний 2005 онд хэвлэгдсэн "Хайрын хүч" цомог Монголд сайнаар үнэлэгддэг. 2006 онд B production (Би продакшн)-ыг үүсгэн эрхлэж Маралжингоо, Агиймаа, Эгшиглэн нарын хэд хэдэн дуучинг урлагт хөтөлжээ. 2010 оны "Монгол поп" цомог нэг жилийн дараа Болдод Монгол Улсын Төрийн соёрхол авчирчээ.
Харин өнөөдөр “Камертон” хамтлагийн ахлагч дуучин Д.Болдын мэндэлсэн өдөр тохиож байна. Тэрбээр 35 нас хүрч байгаа бөгөөд “Хорвоо бүх талаараа ав адилхан хоёр хүнийг хэзээ ч терүүлдэггүй юм. Намайг энэ хорвоод төрүүлж өсгөсөн ээж, аав хоёртоо би хайртай” хэмээн мэндчиллээ. Монголын рок, попын ертөнцөд өөрийн гэсэн орон зайг бүрдүүлж чадсан авьяаслаг уран бүтээлчдээ үзэгч, сонсогч мянга мянган фенүүд нь цахим хуудсаар дамжуулан мэндчилгээ дэвшүүлж байгаад маш их баярлаж байна гэдгээ мөн илэрхийлжээ.Монгол Улсын Төрийн соёрхолт дуучин Д.Болдод төрсөн өдрийн мэнд хүргэе.
www.URLAG.mn
