“Хурд” хамтлаг 1993 оноос тасралтгүй уран бүтээлээ туурвисан юм. Энэ жил тэдний 20 жилийн ойн баяр тохиож байгаа билээ. 20 жилийнхээ ойн хүрээнд олон газарт тоглолт хийсэн. Мөн ӨМӨЗО-ы сонсогч, фенүүддээ тоглолтоо хийгээд ирсэн тэд энэ сарын 29, 30-ныг “Улаанбаатар палас”-ын концертын их танхимд үзэгч фенүүдтэйгээ өнгөрөөхөөр болжээ.
Тэд ойн баяртаа зориулж өдий хүртэл гаргасан 12 цомгоо нэг хайрцагт багтааж “Blackbox” нэртэй гаргасан байна. Мөн “Хурд”-ын 20 жилийн түүхийг өгүүлсэн ном,баримтат кино,”Хурд” гэсэн акустек банзан гитар 25 ширхэг, футболк, малгай, гинж, зүүлт, хуанли зэрэг бэлэгнүүд бэлэн болжээ. Харин хамгийн содон бэлэг нь “Алтан пянз” юм байна.
Ингэснээр тэд Монголын рок, поп хамтлаг, дуучдын дундаас алтан пянз гаргасан хамгийн анхны хамтлаг болж байна.
Б.Оюунгэрэл
