Нарги даа нарги бүсгүй минь

Нарги даа нарги бүсгүй минь чи
Надтай биш ч бусадтай нарги
Үзэсгэлэнт царайгаа гайхуулан цэнгэ
Үеийн залуутайгаа янаглан дурла
Дарсны аагинд хөлчүүрэн согт
Даашинзныхаа хормойг эргэтэл бүж
Бундан уруулаа хаттал озолц
Бурхан биеэ ядартал тачаад
Эргэж олдохгүй гал шиг насаа
Эрхэлж жаргаж өнгөрөө
Гэхдээ бүсгүй минь чи
Гэгээн Тэнгэрийн тамгатай
Гэртээ харих нутагтай
Холиж болдоггүй цустай
Солиж болдоггүй ястай
Гуа маралын удамтай
Гоо согоон явдалтай
Эх орныхоо үргэлжлэл
Ээжийн бүүвэйн залгамж гэдгээ мартваа
…………..Д.Ганзориг…………………..