Москвад төрж Швейцарьт өссөн Болдбаатарын Уянга гэх авьяаслаг дуучин, хөгжмийн зохиолч бүсгүй Америкийн шоу бизнест одтой явааг Монголчууд маань сайн мэддэг болсон билээ. Урлагийн карьераа өсгөхийн тулд АНУ-д очин нь дэлхийд дээгүүрт ордог “Berklee” хөгжмийн коллежийг төгссөн Б.Уянгын уран бүтээл эрс тэс хоёр урсгалыг нэгтгэснээрээ онцлогтой байдаг.
Тодруулбал, Азийн уянгалаг аялгуут Pock-ийн цэвэр энергитэй нийлүүлсэн байдаг. Түүний өвөрмөц хоолой нь уртын дуунаас рок руу шилжиж чаддагаараа онцлог юм. Тэгвэл Б.Уянга бүсгүй удахгүй Монголдоо ирж магадгүй нь. Учир нь “Cosmopolitan Mongolia Awards 2013”-ын “Онцлох дуучин бүсгүй” номинацид тэрээр нэр дэвшиж байгаа аж. Ямартай ч, Б.Уянга нь АНУ-д сурч, уран бүтээл хийхээсээ өмнө Монголд уран бүтээл гаргаж байсан бөгөөд “Who you are” хэмээх дуундаа клип хүртэл хийлгэж байсан байдаг. Түүнчлэн багаасаа урлагийн замд хөтлөгдөж, хөдөлмөрлөж ирсэн тэрээр өдгөө авьяасаа дэлхийд гайхуулж, Монголынхоо нэрийг гаргаж яваа юм.
Эх сурвалж: new.mn
