“UBS” телевизээс зохион байгуулдаг “Universe best songs” наадмаас төрөн гарсан авьяаслаг оролцогчдын нэг рэппер А.Дөлгөөнийг таних хүн олон болжээ. Донжтой харц, эвлэгхэн яриатай түүний дуулсан “Шинэ жил”, “20 нас” зэрэг уран бүтээл нь хит болж эхэлсэн байна.
Багаасаа ээжийнхээ хамт Солонгост суурьшсан тэрбээр 10 жилийн сургуулиа тэнд төгсөөд үргэлжлүүлээд аялал жуулчлалын менежментээр нэг хэсэг сурч байгаад орхин Монголд ирсэн ажээ. Хүмүүс түүнийг Солонгос эцэгтэй гэж ярьдаг ч тэрбээр монгол аавтай байсан бөгөөд багад нь аав нь зуурдаар бурхан болсон талаар ярьжээ. Тэгээд ээж нь амьдралын эрхээр ганц охиноо өсгөхөөр олон жилийн өмнө Солонгосыг зорьж, тэнд ажиллаж амьдарч байхдаа солонгос хүнтэй гэр бүл болсон юм байна. А.Дөлгөөн солонгос аавыгаа халамжтай төдийгүй, дүүгийнх нь төрсөн эцэг учраас түүнд сайн байдаг тухайгаа ч ярьжээ.
Эх сурвалж:wikimon.mn
