"Boom town" хамтлагийн дуучин, жүжигчин Б.Тамир одоогоос дөрвөн жилийн тэртээ "Sound of kiss" хамтлагийн дуучин Г.Золзаяатай дэр нэгтгэсэн бөгөөд төдөлгүй хөөрхөн охины эцэг, эх болцгоосон. Гэсэн ч тэдний амьдрал удаан үргэлжлээгүй бөгөөд өнгөрсөн жил өрх тусгаарлаж, хамтын амьдралдаа цэг тавьсан юм. Харин тэдний салалтыг олон нийт болон хэвлэлийнхэн янз бүрээр бичиж тайлбарладаг.
Тухайлбал "Тэдний салалтын шалтгааныг Золоогоос болсон гэх бөгөөд түүнийг өөр залуутай хайрын романс үүсгэж нөхөр хүүхдээ хаясан хэмээн буруутгаж байсан. Гэтэл үнэн хэрэгтээ эсрэгээрээ жүжигчин Б.Тамир эхнэрээ хуурч “Сити” дээд сургуулийн жүжигчний ангийг энэ жил төгссөн Н.Мөнхсоёл гэх бүсгүйтэй учир ургуулсан" гэх мэт мэдээллүүд олныг шуугиулаад амжсан.
Харин тэд саяхан болсон охин Цэгц-Үжинийхээ шинэ жил дээр хамтдаа зургаа авхуулжээ. Энэ тухай “Маск” продакшны жүжигчин Г.Золзаяа өөрийн фэйсбүүк хуудсандаа "ohin bid 2 uvliin uvgun aavtai zurag avhuulj amjlaa" хэмээн хамт авхуулсан зургаа тайлбарлан оруулжээ. Экс хосууд салснаасаа хойш анх удаа гэр бүлээрээ зураг авхуулсан нь энэ юм. Ийнхүү жүжигчин Тамир охиныхоо шинэ жилээр өвлийн өвгөний дүрээр хүрэлцэн ирж гэнэтийн бэлэг барьжээ.
www.URLAG.mn
